Актриса Скарлетт Йоханссон Forbes журнали талқини бўйича йилнинг кўп даромад топган актрисалари рейтингида биринчи ўриндан жой олди.  

33 актриса 12 ой ичида 40,5 млн доллар пул ишлаган . Журналнинг қайд этишича, даромадининг аксарият қисмини Йоханссон "Қасоскорлар" туркумидаги фильмларда иштирок этиб топган.

Рўйхатда иккинчи ўринни 28 млн доллар билан Анжелина Жоли эгаллади. У 2020 йилда экранларга чиқиши мўлжалланган "Малефисента 2" фильмидаги иштироки учун олган аванси эвазига юқори ўриндан жой олди. Учинчи ўрин Женнифер Энистонга насиб этди (19,5 млн доллар).

Рейтингда қолган ўринлар қуйидагича тақсимланди: Женнифер Лоуренс (18 млн), Риз Уизерспун (16,5 млн), Мила Кунис (16 млн), Жулия Робертс (13 млн), Кейт Бланшетт (12,5 млн), Мелисса Маккарти (12 млн). Юқори ўнликни "Мўъжиза аёл" фильмида бош ролни ижро этган исроиллик актриса Галь Гадот якунлаб беради (10 млн доллар).

Forbes актрисаларнинг 2017 йил 1 июндан 2018 йил 1 июнга қадар солиқлар тўлангунга қадар топган даромадларини ҳисобга олган. 

Ўтган йилги рейтингда биринчи ўринни "Ла-Ла-Ленд" фильмидаги роли учун "Оскар" олган 29 ёшли Эмма Стоун эгаллаганди. У 26 миллион доллар ишлаган. Актриса бу йилги рейтингга кира олмади.