Фото: REUTERS
АҚШ давлат котиби Майк Помпео ва КХДР етакчиси Ким Чен Ин ўзаро учрашув ўтказди ҳамда бир қатор икки томонлама масалаларни муҳокама қилди, дея хабар беради DongA.
Хусусан, томонлар мамлакатлар ўртасида янги саммит ўтказиш имконияти тўғрисида фикр алмашишган.
«Помпео Ким Чен Ин билан тушлик қилди, томонлар АҚШ ҳамда КХДР ўртасидаги иккинчи саммитни ўтказиш тўғрисида келишиб олдилар», - дейилади хабарда.
Шунингдек, Помпео ва Ким Чен Ин Йонбёндаги ядровий объектни бузиб ташлаш ҳамда уруш тугагани бўйича декларацияни қабул қилиш масаласини ҳам муҳокама қилдилар.
Эслатиб ўтамиз, аввалроқ КХДР асосий ракета полигонини бузиш ишларини тўхтатиб қўйганди.
