Бутунжаҳон бокс кенгашининг (WBC) президенти Маурисио Сулаймон Мутлақ жангчилар чемпионати (UFC) ғолиби Ҳабиб Нурмагомедов ва аралаш йўналишлар (ММА) бўйича жангчи Конор Макгрегор баҳсидан кейин юз берган ҳодисага муносабат билдирди, деб хабар қилмоқда «РИА Новости».
Сулаймоннинг таъкидлашича, октагондан ташқарида содир бўлган муштлашув - бу спорт эмас, балки фожиага айланиб кетиши мумкин бўлган тўполондир.
«Бундай ҳодисани спортга, спортнинг ҳеч бир турига боғлаш керак эмас. Бу фожиа билан якунланиши мумкин эди. Спорт бу дунёни яхшироқ қилиш йўлларидан бири, у адолатли ўйин ва спорт маҳорати билан дунё кўпригини қуради», - дея маълум қилди WBC президенти.
Эслатиб ўтамиз, аввалроқ Нурмагомедовнинг отаси ўғлини жазоламасликка қарор қилганди.
