Инновацион икки контурли ROYAL иситиш қозонлари ҳайратлантирувчи устунликларга эга бўлиб, бир вақтда уйингизни иситиш ҳамда иссиқ сув билан таъминлаш имкониятига эга.
Деворга ўрнатиладиган янги ROYAL иситиш қозонлари осонлик билан кам жой эгаллаган ҳолда ҳар қандай деворга ўрнатилади. Ушбу қозонлар инновацион диагностика ва автоматик бошқарув тизимларига ҳамда хавфсизлик даражасини янада юқори поғонага кўтарувчи газ назорати ҳамда сейсмик назорат каби датчикларга эга. Газ назорати датчики ROYAL қозонини муттасил назорат қилади, заррача газ чиқиши билан бир дамда қозонни автоматик ҳолда ўчиради ва муаммо ҳақида сизга хабар беради. Сейсмик назорат датчики 4-5 баллик ер қимирлашлари содир бўлаётганда қозонни автоматик ҳолда ўчиради ва сизни хатардан ҳимоя қилади.
Иситиш қозонидан қулай фойдаланиш учун хона термостати ўрнатилган махсус бошқарув пульти мавжуд. Унинг ёрдамида сувни бир зумда қиздирадиган ва уйни максимал даражада иситадиган ёки электр энергиясини тежаб ишлатадиган “тежамкорлик” тизимларини созлаш имконияти бор. Бундан ташқари, тежамкорликка улкан ҳисса қўшадиган функциялардан бири - бу бошқарув пультига ўрнатилган таймердир. Таймер ёрдамида уйни тарк этаётганингизда қозонни ўчиришингиз ва қайтиб келишингиздан олдин ёқиб, уйни иситишингиз мумкин.
Янги ROYAL иситиш қозонининг энг катта устунликларидан бири – бу инновацион, патентланган, интеграция қилинган иссиқлик алмашувчи мосламадир. Ушбу мослама туфайли, янги ROYAL иситиш қозони бошқа иситиш қозонларга қараганда кўпроқ сув иситишга ҳамда узоқроқ ҳизмат қилишга қодир.
Янги турдаги иситиш қозонларни ишлаб чиқариш Жанубий Кореянинг Kiturami компанияси билан ҳамкорликда ишга туширилган. Ҳозирда 15 Alfa, 18 Alfa ва 24 Alfa номли, 150 кв.м. 190 кв.м. ва 240 кв.м. майдонли уйни исита олувчи моделлар ишлаб чиқарилиши бошланган.
