Венесуэла олий суди Гуайдога мамлакатни тарк этишни тақиқлади ва ҳисобларини блоклаб қўйди

Фото: REUTERS/Carlos Garcia Rawlins

Венесуэла олий суди мамлакат мухолифати етакчиси ва ўзини вақтинчалик президент деб эълон қилган Хуан Гуайдога мамлакатдан чиқишни тақиқлаб қўйди. Бу ҳақда “Интерфакс” ахборот агентлиги хабар берди.

Бундан ташқари, суд қарори билан Гуайдонинг ҳисобрақамлари блоклаб қўйилган ва мол-мулки билан ҳар қандай транзакция тақиқланган.

Шу билан бирга суд Гуайдони депутатлик дахлсизлигидан маҳрум қилмаган.

Тайёрлаган Шуҳрат Раҳимов

#Венесуэла #Хуан Гуайдо

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди