Женевада энг тезкор автомобил тақдим қилинди

Женевада ўз ишини бошлаган халқаро автосалонда энг тезкор гиперкар Pininfarina Battista тақдим қилинди. Эътиборлиси, у электр энергияда ишлайди.

Pininfarina Battista афсонавий дизайнерлик уйи асосчиси шарафига аталган. У Италияда яратилган энг кучли ва энг тезкор автомобил номини олди. Унинг куч қурилмаси 1900 от кучини ташкил қилади. Машина 186 км/соат тезликка 12 сониядан камроқ вақт ичида эриша олади. Унга фақат Ferrari ва Lamborghini рақобатчилик қилиши мумкин.

Automobili Pininfarina компанияси раҳбари Михаил Першкенинг таъкидлашича, бу ҳолда юқори унумдорлик ва электр двигател бир-бирини истисно қилувчи тушунчалар ҳисобланмайди.

Автосалонда бошқа янги машиналар, жумладан Koenigsegg Jesko, Hispano Suiza Carmen ҳам тақдим қилинди.

89-маротаба ўтказилаётган автосалон 17 мартгача давом этади.