Барча америкалик дипломатлар Венесуэлани тарк этди

Фото: РИА Новости

АҚШ давлат котиби Майк Помпео Венесуэлада қолган барча америкалик дипломатлар ушбу давлатни тарк этишганини маълум қилди.

“Америкалик дипломатлар энди бу миссияни бошқа жойлардан амалга оширишади, улар у жойлардан ҳам Венесуэла халқига гуманитар ёрдамни бошқаришга ёрдам беришади ва зулмкорликка қарши мардларча курашаётган демократия намоёндаларини қўллаб-қувватлашади”, деб айтган Помпео.

Унинг таъкидлашича, Вашингтон Венесуэлада “демократияга ўтиш бошланиши” биланоқ яна ушбу мамлакатга қайтади.

Америкалик дипломатларнинг аксарияти Венесуэлани 24 январдаёқ тарк этганди.

Тайёрлаган Шуҳрат Раҳимов

#АҚШ #Венесуэла

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди