Евро-2020 саралаши. Италия Лихтенштейнга жавобсиз олтита гол урди, Моратанинг дубли Испанияга ғалаба келтирди

2020 йилги Европа чемпионатига саралашнинг гуруҳ босқичи 2-турига якун ясалди.

Сешанба кунги учта баҳсда томошабинлар олтитадан гол гувоҳи бўлишди. Швейцария-Дания ва Норвегия-Швеция учрашувларида 3:3 ҳисобида дуранг қайд этилган бўлса, Италия миллий жамоаси ўз уйида Лихтенштейн дарвозасига жавобсиз олтита тўп киритди. Дания меҳмондаги ўйиннинг 84-дақиқасигача 0:3 ҳисобида ортда бориб, Швейцария дарвозасига 9 дақиқа ичида учта тўп киритгани ҳолда мувозанатни тиклай олди. Швеция эса 86-дақиқагача 1:2 ҳисобида ютқазаётган вақтида ғалабани илиб кетиши мумкин эди, аммо қўшиб берилган 6-дақиқада Норвегия мағлубиятдан қутулиб қолди.

Босния ва Ҳерцеговина – Греция ўйинида ҳам биринчи бўлимдан кейин 0:2 ҳисобида ютқазаётган юнонлар дурангга эриша олишди. Шунингдек, биринчи турда уч очко олган Ирландия ва Испания жамоалари бу сафар Грузия ва Мальтани мағлуб этиб, 6 очко билан ўз гуруҳларида пешқадамга айландилар.

3-4-тур баҳслари 7-11 июнь кунлари бўлиб ўтади.

Евро-2020 саралаши, 26 март
«D» гуруҳи
Ирландия – Грузия 1:0 (1:0, 0:0)
Гол: 1:0 – 35 Хурихэйн.

Швейцария – Дания 3:3 (1:0, 2:3)
Голлар: 1:0 – 19 Фройлер, 2:0 – 66 Жака, 3:0 – 76 Эмболо, 3:1 – 84 Йоргенсен, 3:2 – 88 Гюткьяер, 3:3 – 90+3 Дальсгор.

«F» гуруҳи
Мальта – Испания 0:2 (0:1, 0:1)
Голлар: 0:1 – 31 Мората, 0:2 – 73 Мората.
Испания – Аррисабалага, Эрмосо, Сержи Роберто, Рамос, Бернат (Муниаин, 56), Сауль (Навас, 65), Каналес, Асенсио, Родри Эрнандес, Гайя, Мората (Родриго, 79).

Норвегия – Швеция 3:3 (1:0, 2:3)
Голлар: 1:0 – 41 Йонсен, 2:0 – 59 Кинг, 2:1 – 70 Классон, 2:2 – 86, автогол Нордтвейт, 2:3 – 90+1 Квайсон, 3:3 – 90+6 Камара.

Руминия – Фарер ороллари 4:1 (3:1, 1:0)
Голлар: 1:0 – 26 Дяк, 2:0 – 29 Кешерю, 3:0 – 32 Кешерю, 3:1 – 40, пенальти Давидсен, 4:1 – 63 Пушкаш.

«J» гуруҳи
Италия – Лихтенштейн 6:0 (4:0, 2:0)
Голлар: 1:0 – 17 Сенси, 2:0 – 32 Верратти, 3:0 – 35, пенальти Куальярелла, 4:0 – 45, пенальти Куальярелла, 5:0 – 69 Кин, 6:0 – 76 Паволетти.
Италия – Сиригу, Романьоли, Бонуччи (Иццо, 79), Манчини, Жоржиньо (Дзаньоло, 57), Спинаццола, Верратти, Сенси, Политано, Кин, Куальярелла (Паволетти, 72).
Четлатиш: Кауфманн (45, Лихтенштейн).

Арманистон – Финляндия 0:2 (0:1, 0:1)
Голлар: 0:1 – 14 Йенсен, 0:2 – 78 Сойри.

Босния ва Ҳерцеговина – Греция 2:2 (2:0, 0:2)
Голлар: 1:0 – 10 Вишча, 2:0 – 15 Пьянич, 2:1 – 64, пенальти Фортунис, 2:2 – 85 Коловос.
Четлатиш: Пьянич (65, Босния ва Ҳерцеговина).