Олий Мажлис Сенатида янги қўмита ташкил этилди

Ўзбекистон Республикаси Олий Мажлиси Сенатининг Қонунчилик ва суд-ҳуқуқ масалалари қўмитаси негизида Ўзбекистон Республикаси Олий Мажлиси Сенатининг Суд-ҳуқуқ масалалари ва коррупцияга қарши курашиш қўмитаси ташкил этилди. Бу ҳақда Ўзбекистон Республикаси Олий Мажлиси Сенатининг ахборот хизмати хабар бермоқда.

Унинг вазифалари қаторида парламент қуйи палатаси томонидан келиб тушган   суд-ҳуқуқ ва коррупцияга қарши курашиш ҳамда қонунчилик, давлат ва жамият қурилиши соҳасига оид қонунларни дастлабки тарзда кўриб чиқиш ва тегишли таклифларни Сенат Кенгашига киритиш каби вазифалар белгиланди. 

Шунингдек, Қўмита зиммасига ушбу йўналишлардаги давлат дастурларининг ижроси, мамлакатда амалга оширилаётган ислоҳотларнинг бориши устидан тизимли парламент назоратини амалга ошириш юклатилди.