Польшалик генерал уруш ҳолатида Россияга ядровий зарба беришга ваъда берди

Ғарб Россия тажовузи ҳолатида унга қарши ядро қуролини қўллайди. Бу ҳақда польшалик генерал Вальдемар Скшипчак Wirtualna Polska нашрига берган интервьюсида айтиб ўтди.

Унинг таъкидлашича, аввал АҚШ “Польша ҳудудида қизил армияни тўхтатиш” учун ядро қуроли қўллашга тайёр бўлган ва бундай режалар “Россия тажовузи” ҳолатига ҳанузгача мавжуд.

Генералнинг таъкидлашича, Россия армиясига қарши Европанинг бирорта давлати, жумладан Польша бир ўзи қаршилик кўрсата олмайди. Скшипчакнинг айтишича, айнан шунинг учун Варшава 1999 йилда НАТОга қўшилган.

Бироқ генерал НАТО анча заифлашгани ва самарадорлиги пасайганини қайд қилиб ўтган. Бундан эса Қримнинг Россия билан бирлашиши ва Донбассдаги ихтилоф гувоҳлик беради. Скшипчакнинг фикрича, Москва НАТОнинг шарқий қаноти мустаҳкамланаётганидан унча ташвиш билдирмаяпти, чунки Польша, Руминия, Болтиқ давлатларидаги АҚШнинг бир нечта қўшимча батальони “вазиятни ўзгартира олмайди”.

Генерал шунингдек НАТОда қарорлар қабул қилиниши жуда чўзилиб кетишидан арз қилган. Унинг фикрича, Россия ҳеч қандай муаммосиз Болтиқ давлатлари ҳудудини эгаллаб олиши, НАТОнинг Россия армияси билан кураши эса Польшада ўтиши мумкин. Скшипчакнинг таъкидлашича, шу сабабли НАТО Варшаванинг альянс учун муҳимлигини англаши лозим.