Ижтимоий тармоқларда кучли ёмғир ва унинг оқибатларига оид суратлар, видеолар тарқалмоқда. Ана шундай видеолавҳалардан бири пойтахт марказида, Халқаро Вестминстер Университети ёнида олинган.
Видео муаллифининг сўзларига қараганда, бахтли тасодиф туфайлигина бирорта машина ичида одамлар бўлмаган. Дарахт кучли ёмғир натижасида илдизидан ажралиб қулаб тушган ва жуда баландлиги туфайли еттита машинани босиб, пачоқлаган.
Сўнгги кунларда кучли ёмғирлар туфайли кўчаларни сув босгани, дарахтлар қулаётгани ҳақида қатор хабарлар эълон қилинди.
