Лукашенко Беларусда ҳокимиятни ағдариш имконсиз эканлигини айтди

Беларусь президенти Александр Лукашенко мамлакатнинг амалдаги ҳукуматини ағдаришнинг имкони йўқлигини, республика ўз тарихи мобайнида бундай уринишларга дуч келганлигини айтди.

"Бизни бугун Венесуэлада бўлаётганидек, кеча Сурия, Ливия ва бошқа давлатларда бошланиб давом этаётгани  каби эгиш ёки ағдариш имконсиз. Биз бирдамлигимиз туфайли бундан ўтдик... мамлакатимизни қутқариб қолдик", - деди Лукашенко.

Лукашенконинг айтишича, Беларусь учун иқтисодиётдаги салбий ҳолатлардан бошқа хатар йўқ.

"Иқтисодиёт эса бизмиз", - деди у ҳар бир фуқарони "кўнгилдагидек ишлаш"га чақираркан.