Миграция агентлиги директори Муҳсинхўжа Абдураҳмонов Беларуснинг Ўзбекистондаги фавқулодда ва мухтор элчиси Александр Огородников билан учрашди.
Учрашувда Ўзбекистон фуқароларини Беларусга, хусусан, Витебск вилоятига уюшган тартибда ишга жойлаштириш масалалари кўриб чиқилди.
Қайд этилишича, вилоят иш берувчилари 800 нафарга яқин ходимга эҳтиёж билдирган.
Иш ўринлари чорвачилик, тракторчилик, ҳайдовчилик ва ёрдамчи ишлар йўналишларида таклиф этилмоқда. Номзодларнинг ҳужжатлари ва касбий кўникмалари дастлабки босқичда текширилади, якуний танлов эса Беларус иш берувчилари билан онлайн суҳбатлар асосида ўтказилади.
Танловга республиканинг барча ҳудудларидан талабгорлар жалб этилади.
Шунингдек, фуқароларнинг йўл харажатларини иш берувчи томонидан олдиндан қоплаш имкониятини ўрганиш таклиф этилди.
