Элдор Шомуродов «Ростов» билан шартномасини узайтирди
Ўзбекистон миллий жамоаси ҳужумчиси Элдор Шомуродов «Ростов» клуби билан шартномасини узайтирди. Бу ҳақда «Спорт-Экспресс» нашри хабар берди.
«СЭ»нинг ёзишича, томонлар амалдаги битимни яна уч йилга узайтиришган. Элдорнинг 2017 йил 15 июлда имзоланган аввалги келишуви муддати 2021 йил ёзигача мўлжалланган эди.
23 ёшли ҳужумчи Премьер-лиганинг бу мавсумида 26та ўйин ўтказиб, улардан 10тасида асосий таркибда майдонга тушди; бир ўйинда ўртача 42 дақиқадан майдонда бўлди ҳамда ўз ҳисобига 3та гол ва 1та самарали узатмани ёзиб қўйди.
Шомуродов мавсум давомида барча мусобақалар доирасида «Ростов»нинг 33та ўйинида 4та гол урди.
Эслатиб ўтамиз, икки мавсумдан буён ростовликлар клуби шарафини ҳимоя қилиб келаётган Элдор Шомуродов «Машъал» академияси тарбияланувчиси саналади. У Муборак шаҳри клубининг асосий жамоасида 2011 йилдан тўп сура бошлаган. 2015 йилда «Бунёдкор»га ўтиб, шу йилдан Ўзбекистон миллий жамоаси аъзосига айланган.
14-рақам эгаси миллий жамоанинг эртага, 28 май кунидан Тошкентда бошланадиган йиғинига чақирилган.
Мавзуга оид
22:57 / 04.10.2024
Элдор Шомуродов «Рома» билан янги шартнома имзолайди – Романо
12:18 / 26.08.2024
Шомуродов гол уришни бошлади, «Челси» футболчилари «қутурди». Европада кун ўйинлари
11:49 / 23.08.2024
Ростов вилоятида нефт базалари оммавий равишда сотилмоқда
14:30 / 13.08.2024