Еврокомиссия Туркиянинг ЕИга аъзо бўлиши борасидаги музокаралар боши берк кўчага кириб қолганини билдирди
Туркия аввалгидек Евроиттифоқдан узоқлашиб бормоқда, чунки мамлакатнинг ҳамжамиятга кириши борасидаги музокаралар боши берк кўчага кириб қолди, дейилади Еврокомиссиянинг ЕИни кенгайтириш сиёсати тўғрисидаги ҳисоботида.
"Туркия қонун устуворлиги соҳасида жиддий чекиниш қилиб Евроиттифоқдан узоқлашишда давом этди. Туркиянинг аъзо бўлиши борасидаги музокаралар амалда боши берк кўчага кириб қолди", - дейилади ҳисоботда.
Шу билан бирга Еврокомиссия Туркия ЕИнинг асосий ҳамкори ва ҳамжамият таркибига кириш учун номзод мамлакат эканлигини қайд этган.
Туркия ЕИга кириш учун 1987 йилда ариза берган. Унинг ЕИ таркибига қабул қилиниши бўйича музокаралар жараёни 2005 йилда бошланган.
Мавзуга оид
20:55 / 03.10.2024
Еврокомиссия Венгрия устидан Европа судига даъво киритди
19:33 / 17.09.2024
Еврокомиссиянинг янги таркиби эълон қилинди
19:58 / 17.08.2024
Европа Иттифоқи чегараларини ноқонуний кесиб ўтиш ҳолатлари камайди
14:01 / 26.07.2024