Долларнинг расмий курси илк бор 8600 сўмдан ошди

Ўзбекистон Республикаси Марказий банки 23 июлдан хорижий валюталарнинг сўмга нисбатан янги қийматини белгилади.

Унга кўра, 1 АҚШ доллари ўтган ҳафтадаги курсга нисбатан 40,01 сўмга кўтарилган ва 1 доллар 8624,51 сўмга етган.

Бу илк бор расмий курс 8600 сўмлик нуқтадан ошиши бўлди.

1 евро курси 2,83 сўмга ошиб, 9676,70 сўмни ташкил этган.

1 рубль эса 0,58 сўмга ўсиб, 136,92 сўмга тенг бўлиб турибди.

Эслатиб ўтамиз, валюта қийматини белгилаш чоғида Ўзбекистон Республикаси Марказий банки мазкур валюталарни ушбу қийматда сотиш ёки сотиб олиш мажбуриятини олмаган.