Мавсумлар оралиғида «Реал» ортиқча футболчиларидан қутулиши керакдек кўринаётганди, аммо янги келганлар бирин-кетин жароҳат олишди ва жамоа яна ўтган мавсумдаги таркиб билан қолди, Зинедин Зидан ҳам энди биринчи навбатда бошқа нарсалар ҳақида қайғуриши керак. Мадридликлар жамоаси аввалги каби қарши ҳужумларда ажойиб ҳаракат қилмоқда, аммо позицион ҳужумларда аҳвол яхши эмас. «Қаймоқранглилар» бу борадаги муаммоларни ҳал этиш учун Азарни сафга қўшиб олишди, аммо бельгиялик футболчи дебют қилишга улгурмасдан сафдан чиқди, жамоанинг мияси ва дирижёр ҳисобланмиш Модрич эса дисквалификация туфайли иккинчи тур ўйинида қатнаша олмади. Паслар узатиш учун очиқ зоналарни излаш, тўпни олдинга олиб бориш ва «Вальядолид» автобусини бузиб ўтиш учун ҳеч ким йўқ эди.
Биринчи тур ўйинида бошланғич таркибда майдонга тушган Винисиус позицион ҳужумларни уюштира олмади. Зидан ушбу бразилиялик футболчи фақат эркин ўйинчи сифатида фойдали бўлишини англаган ҳолда уни захирада қолдирди. Ўйинда Модрич тимсолидаги ижодкор йўқлиги туфайли мураббий майдонга илк дақиқаларданоқ икки нафар ҳужумкор яримҳимоячи билан ҳаракат қилди: сўнгги марта клуб сафида 833 кун муқаддам майдонга тушган ва «Реал» сотиб юборишнинг иложини қила олмаган Хамес ҳамда ақлли, дриблингги зўр, лекин беқарор Иско. Кроос билан бирга бу икки футболчи мезбонлар ўйинига ранг-баранглик бағишлаши лозим эди. Амалда эса бу футболчилар доимий равишда жарима майдонидаги Бенземага тўп узатиш билан шуғулланишди - бу эса позицион ҳужумдаги энг зўр тактика эмасди.
«Вальядолид» эса ўзининг асосий кузирларидан унумли фойдалана олди. Серхио Гонсалес жамоасида бундай кузирлар атиги иккита: омад ва сабр. Ўтган турда ҳам «Бетис»га қарши ўйинда «Вальядолид»нинг омади келганди, ўшанда рақиб дарвозабони Жоэль Роблеснинг 8-дақиқасидаёқ майдондан четлатилиши якунда сондаги устунлик эвазига 2:1 ҳисобидаги ғалабага эришилганди. «Реал» эса биринчи турда бир киши кам бўлиб ўйнаб «Сельта»ни мағлуб этган, Модрич қизил карточка олгани мадридликлар фойдасига ишлаган — «Сельта» ҳужумга ўтиб кетавериши туфайли голлар ўтказиб юборганди.
Мавзуга оид
Кўринишидан, Зиданда сабр қилиб вазият кутишни биладиган жамоаларга қарши «Б» план бор эди. Рақиб олдинга чиқмаса, «Реал» рақибга тўпни топширади ва ҳужумда вазиятларга эга бўлишига имкон яратади. Бу ўйинда ҳам шундай бўлди: ҳисоб 0:0 ҳолатида «Вальядолид» бир неча марта хавфли ҳужумлар уюштирди, мадридликлар ҳам очилган ҳудудлардан фойдаланиб, хавфли жавоблар қайтаришди. Аммо Серхио Гонсалес ўз шогирдларига бақиришдан тўхтамай, улар ўз вақтида ортга қайтишини таъминлаб турди.
Бу ўйин аввал бошдан голларга бой бўлмаслиги кўриниб турганди, аммо ўйин охирида Бензема маҳоратини кўрсатди ва ноқулай вазиятда туриб дарвозанинг бурчагини аниқ нишонга олди, бошқа томондан «Реал» футболчиларининг мудофаадаги сусткашлиги ўйин дуранг ҳисобда якунланишига сабаб бўлди. Серхи Гвардиола ўртамиёна ҳужумчи, аммо у ўзида юзага келган учта имкониятдан биридан унумли фойдаланди, «Реал» ҳимоячилари Гвардиолада учта голли имконият юзага келишига қўйиб беришди. Ўйиннинг охирги дақиқаларида Крооснинг зарбалари ҳам, Рамоснинг рақиб жарима майдонига бориши ҳам, иккинчи бўлимда майдонга ташланган Йович ва Винисиуснинг ҳаракатлари ҳам жамоани очко йўқотишдан қутқариб қололмади.
Бу ўйиндан кейин «Реал» президенти Флорентино Перес ҳамон «ПСЖ»да зерикиб вақт ўтказаётган Неймар бўйича музокараларни тезлаштирган бўлса ажаб эмас. Мадридликларга худди Неймар каби нафақат яратувчи, балки бўш зоналарга вақтида очилувчи ва икки қаватли ҳимоя чизиғини ёриб ўтувчи футболчи жуда зарур. Азар бутун мавсум давомида бир ўзи жамоани ортидан эргаштириб юра олмаслиги аниқ, Модрич эса кейинги ойда 34 ёшга тўлади ва вақт ўтган сайин унинг жамоага ёрдам беришга кучи камая боради. Зиданга қандайдир оригиналлик керак: Испанияда мавсумни фақат рақиб жарима майдонига узатмалар ошириш билан ўтказиб бўлмайди. Ҳатто «Реал»нинг ижрочилари савияси юксак бўлгани ҳисобга олинган тақдирда ҳам.
Гризманн ҳужум марказида
Месси, Суарес ва Дембеле жароҳатдалиги боси «Барселона» ўзи учун ноодатий вазиятга тушиб қолди: жамоада ҳужумчилар қолмади, натижада «Барса Б» жамоасидан 21 ёшли Карлес Перес ва ёшлар жамоасидан 16 ёшли Ассуманте Фатини чақиришга тўғри келди. Энди каталонияликлар мураббийи Эрнесто Вальвердеда ҳужумчилар етишмовчилиги йўқ: аслини олганда, «Бетис»ни Антуан Гризманни ҳужум марказига қўйиб ҳам енгиш мумкин. Ҳужум чизиғида унга ёш Перес ва жароҳатидан тикланган Рафинья шерик бўлди. Бу икки футболчи вақти вақти билан қанотларни алмаштириб туришди.
Биринчи турда Бильбаода кечган учрашувни бой берган Вальверде таваккал қилишни истамади ва Бускетсни бошланғич таркибда туширди. Ўз позициясида, таянчяримҳимоячи сифатида ҳаракат қилган Серхионинг формаси аввалгидек эмаслиги кўриниб қолди: Бешинчи рақам эгаси мавсумлар оралиғидаги ўртоқлик ўйинларида йўл қўйган хатоларини такрорлади - майдон марказида ҳеч қандай босим бўлмаган вақтда, оддий вазиятда тўпни шеригига хато узатди ва тўпни эгаллаб олган меҳмонлар ҳужумни гол билан якунлашди. Серхио кейинчалик хатосини ювишга ҳаракат қилди ва унинг ўзига хос узатмасидан кейин Альба гол урди.
GOOOOOOOOOOOOOAL Alba 😍😍😍😍😍😍😍🔥🔥🔥🔥🔥
Barcelona 4-1 Real Betis
please retweet and follow our main account @goalstv3 to enjoy all live streams and goals on time
Де Йонг бу ўйинда ўзига ноодатий бўлган ролни бажарди. Френке майдонда Бускетснинг вазифаларини бажарди, у чап қанот яримҳимоячиси ўрнида майдонга тушган бўлсада ўйин давомида у қанотдан бу қанотга югурди. У бу вазифада қора ишларни бажариш билан машғул бўлиб, майдонда деярли сезилмади, шу билан биргаликда унда паслар аниқлиги кўрсаткичи жуда юқори бўлди - 95 фоиз.
Йирик ҳисоб
«Бетис» «Вальядолид»даги омадсизликдан кейин ўзига келмаган кўринади. Мавсум стартида Хуан Рубе жамоаси ўз майдонида аутсайдер жамоага ютқазган, бунга дарвозабон ўйин бошидаёқ четлатилгани сабаб бўлганди. «Камп Ноу»да ҳисобни очган меҳмонлар муваффақиятни ривожлантира олишмади. Рубе шогирдлари ўйиндаги икки голни ҳам «Барса» футболчилари хатосидан кейин уришди. Агар уларда «Вальядолид»даги каби сабр бўлганида уйга очко билан қайтган бўлишарди. Аммо улар на автобус қўйишди ва на позицион ҳужумлар уюштира олишди. Биринчи бўлимда каталонияликларнинг қарши ҳужуми ўтказиб юборилди ва Серхи Робертонинг пасидан кейин Гризманн аъло даражада ҳаракат қилиб, ҳисобни тенглаштирди. Бу икки футболчи майдонда бир-бирини жуда яхши тушуна бошлади, иккинчи гол ҳам ушбу жуфтлик иштирокида амалга ошди.
Йирик ҳисобдаги ғалабага қарамасдан, «Барса»да муаммолар кўзга ташланиб турибди: жамоа кучни ўйинга тенг тақсимлай олмаяпти ва футболчиларда курашувчанлик етишмаяпти. Рафинья, Перес ва Роберто ўзини аямасдан югуришганини кўрган бўлсак, Бускетс, Пике ва Семедуда фидокорлик кўринмади ва улар кўп ҳолларда рақибга ета олишмади. Мавсумни кучсиз бошлаётган «Бетис»ни яксон қилиш учун Мессининг ёрдамига ҳожат бўлмади, аммо нисбатан кучлироқ рақибларга қарши ўйинларда «Барселона» қийналиши турган гап.
Дебютлар ва истиқболлар
Бу ўйинда нафақат «Барселона» учун, балки Испания чемпионати учун эътиборга молик воқеа содир бўлди: «Камп Ноу»га 2002 йилда туғилган Анту Фати чиқиб келди. Ўйин якунига 15 дақиқа қолганида у шу оқшомда асосий жамоадаги дебютини гол билан нишонлаган Пересни алмаштирди. Фати - «Барселона»нинг Ла Лига тарихидаги иккинчи энг ёш футболчиси бўлди. Биринчиси 1941 йили «Реал»га қарши ўйинда 16 ёшу 280 кунлигида дебют қилган Мартинес бўлганди (Фати 18 кунга каттароқ). Фати ўзига берилган дақиқаларда ажойиб техникага эгалигини намойиш этишга улгурди.
Месси ва Суарес бу ўйинни трибунада фарзандлари билан бирга кузатишди.
«Барса» илк уч очкосига эга бўлди ва мухлисларини 5та гол билан хурсанд қилди. Кейинги ўйинда катта эҳтимол билан майдонда Лионель Месси ҳам бўлади ва мухлислар Месси-Гризманн боғлами қандай бўлишини кузатишлари мумкин.
Ундан олдинроқ эса аргентиналик футболчини Монакода кутишади, бу ерда йилнинг энг яхши футболчиси эълон қилинади.
