Навбатдаги Мадрид дербиси навбатдаги ҳакамлик можаросига айланди. «Қироллик клуби» бош мураббийи Жозе Моуринио ўз жамоаси мағлубияти билан якунланган ўйиндан кейин арбитрларни аёвсиз танқид қилди – унинг фикрича, рақиблар танаффусгачаёқ икки қизил карточкага лойиқ ўйин кўрсатишганди. Португалиялик мутахассис ўз сўзларига далил сифатида матбуот анжуманида журналистларга икки баҳсли эпизод фотосуратини намойиш этди.
Валверде жиддий жароҳат олган, унга қўполлик қилган рақиб эса жазосиз қолди
Ўйиндаги ягона қизил карточка айнан «Реал» футболчисига кўрсатилди. Дин Ҳаусен жарима майдонида ишлатган қўполликдан кейин ҳакам уни майдондан четлатди, белгиланган пеналтини эса Алехандро Грималдо аниқ ижро этди, бир неча дақиқа ўтиб мезбонлар ҳужумчиси Жонатан Дэвид иккинчи голни ҳам урди. Меҳмонлар фақат ўйин охирида Антонио Рюдигернинг биргина голи билан жавоб қайтаришди (162).
Ўйиндан кейинги матбуот анжуманига Моуринио принтердан чиқарилган суратлар билан ташриф буюрди.
«Матбуот анжумани учун вақтни тежашимиз мумкин, чунки ҳаммаси шу ерда аён. Бу иккита қизил карточка», – деган у фотони кўрсатган ҳолда.
Ўйиндаги илк баҳсли вазият 35-дақиқада рўй берди, «Атлетико» ҳимоячиси Кристиан Ромеро мадридликлар ҳавбеки Жуд Беллингҳэмнинг оёғини босиб олди. Ўйин бош ҳаками Мигел Анҳел Ортис Ариас эса дастлаб «Реал» футболчисига огоҳлантириш берди, аммо видеотакрордан кейин қарорини ўзгартири, «Атлетико» футболчисини сариқ карточка билан жазолади.
Португалиялик мутахассис штабидагиларнинг эса Ромеро майдонни муддатидан олдин тарк этиш керак бўлганига ишончи комил.
Иккичи эпизод танаффус арафасида юзага келди. «Атлетико»нинг жанубий кореялик яримҳимоячиси Ли Кан Ин «Реал» сардори Федерико Валверденинг тўпиқ соҳасига бутсасининг остки қисми билан зарбаб ерди, аммо бош ҳакам бу вазиятни эътиборсиз қолдирди. VAR хонасидагилар ҳам Ортис Ариасни монитор қаршисига чақирмади.
Уругвайлик яримҳимоячи ўйинни охиригача давом эттирди, аммо ҳакамнинг якуний ҳуштагидан сўнг шифокорларга мурожаат қилишга мажбур бўлди. Кейинроқ «Реал» Феденинг чап тўпиғида жиддий жароҳат борлиги ҳақида хабар берган. Клуб унинг тикланиш муддатига аниқлик киритмаган, аммо Мадриддаги манбаларга кўра, ушбу футболчи икки-уч ҳафта давомида футбол ўйнай олмайди.
