Венесуэла президенти Николас Мадуро АҚШ етакчиси Дональд Трамп билан учрашувга тайёрлигини билдирди. Бу ҳақда Интерфакс хабар берди.
"Албатта ҳа", - деб жавоб қайтарди Мадуро "Россия-24" телеканали журналистининг Трамп билан юзма-юз мулоқотга тайёр эканлиги тўғрисидаги саволига.
Мадуронинг қайд этишича, "агарда АҚШ президенти Дональд Трамп Барак Обамадан мерос қолган Венесуэлага қарши уруш олиб боришдек хато сиёсатни тўғриласа", у музокаралар жараёнига тайёр бўлади.
Аввалроқ Колумбия президенти Иван Дуке Венесуэла президенти Николас Мадуро ҳукмронлигига чек қўйишга чақирганди.
