Қўшимча функционаллар
-
Тунги кўриниш
Жаҳон | 15:20 / 03.12.2019
11990
1 дақиқада ўқилади
Эрон мамлакатдаги тартибсизликлар учун АҚШдан 130 млрд доллар ундирмоқчи
Фото: EPA-EFE
Эрон мамлакатдаги тартибсизликлар ва етказилган зарарга алоқадорлиги учун АҚШдан 130 млрд доллар ундирмоқчи. Бу ҳақда Эрон олий суди расмий вакили Ғулом Ҳусайн Исмоилий маълум қилди.
"АҚШга нисбатан Эрон халқи манфаати учун жами 130 млрд доллар товон ундириш кўзда тутилган 360дан ортиқ иш очилди. Биз Эрон ТИВ бу масалада ёрдам беришини истардик", - деди у.
Унинг сўзларига кўра, "Теҳрон АҚШнинг Эрон халқига нисбатан қилаётган жиноятларига қаршилик қилмоқда".
"Вашингтон етказган зарарлар бўйича кўплаб ишлар қўзғатилди", - қайд этди Исмоилий.
Ноябрь ўрталарида Эронда бензин нархи ошишига қарши норозилик намойишлари бўлиб ўтди. Намойишлар айрим жойларда тартибсизликларга айланиб кетди.
