Марказий сайлов комиссияси матбуот хизмати раҳбари сўнгги икки ой ичида иккинчи марта ўзгарди

Дилшодбек Назиров/Фото: МСК

Марказий сайлов комиссияси матбуот хизматига Дилшодбек Баҳодирович Назиров раҳбар этиб тайинланди. Бу ҳақда МСК сайтида хабар берилган.

Дилшодбек Назиров 1975 йилда туғилган, олий маълумотли - Тошкент давлат шарқшунослик институтини тамомлаган. Мутахассислиги - шарқшунос-филолог, араб тили ва адабиёти ўқитувчиси.

2018 йил 6 январдан Ўзбекистон миллий телерадиокомпанияси «O‘zbekiston 24» телерадиоканали» давлат унитар корхонаси «O‘zbekiston 24» телеканали Хроникал-ҳужжатли фильмлар ва журналистик суриштирувлар студиясининг бош муҳаррир лавозимида ишлаб келмоқда.

Эслатиб ўтамиз, 2019 йилнинг октябрь ойи охирларида Наврўз Ризаев Марказий сайлов комиссияси матбуот хизматига раҳбар этиб тайинланганди.

#Марказий сайлов комиссияси #Дилшодбек Назиров