«Асака» банки Япониянинг SMBC банки билан қиймати 100 миллион АҚШ доллари бўлган ҳамкорлик келишуви имзолади

«Асака» банки мамлакатимиздаги етакчи молиявий институтлардан бири бўлиб, Ўзбекистон ташқи-иқтисодий фаолиятининг фаол қатнашчиларидан бири ҳисобланади. Мазкур банк хорижнинг кўплаб банклари ва халқаро молия институтлари билан шериклик ва ишбилармонлик муносабатларини ўрнатган. Жумладан, Япониянинг Nexi экспорт кредит агентлигининг суғуртаси остида лойиҳаларни молиялаш йўналишида MUFG, ING, Mizuho, SMBC (Sumitomo Mitsui Banking Corporation), JBIC (Japanese Bank for International Cooperation) сингари банклар билан ҳамкорлик алоқалари йўлга қўйилган.

Ўзбекистон Республикаси Президентининг Японияга амалга ошириши кутилаётган давлат ташрифи олдидан бугун Японияда ташкил этилган бизнес форум доирасида «Асака» банки ва Япониянинг Sumitomo Mitsui Banking Corporation (SMBC) молия муассасаси ўртасида қиймати 100 миллион АҚШ долларига тенг ҳамкорлик келишуви имзоланди. 

Мазкур шартноманинг амалиётга тадбиқ этилиши савдони молиялаштириш воситалари кўмагида юртимиз автосаноати учун бутловчи буюмлар ва эҳтиёт қисмлар етказиб бериш, шунингдек, Японияда ишлаб чиқарилган технологик ускуналарни импорт қилиш имконини беради.

«Асака» банк – Сизнинг бизнес фаолиятингиздаги ишончли ҳамкорингиз!

Call-марказ: 1152

Веб-сайт: www.asakabank.uz

Telegram: t.me/bank_asaka

Facebook: fb.com/bankasaka

Instagram: @asaka_bank

Реклама ҳуқуқи асосида