Хитойнинг Leapmotor компанияси иккинчи чоракда жаҳон бозорида 240 минг дона автомобил сотди. Бу компания учун рекорд кўрсаткич бўлиб, Leapmotor илк бор сотув ҳажми бўйича Япониянинг Subaru ва Mitsubishi компанияларини ортда қолдирди.
Иккинчи чоракда Subaru 230 минг, Mitsubishi эса 170 минг дона автомобил сотган.
Leapmotor компаниясининг йиллик сотув ҳажми 84 фоизга ўсган.
Компания Европада Stellantis концерни билан ҳамкорлик қилади. Иккинчи чоракда энг кўп Leapmotor T03 модели сотилган бўлиб, Европада унинг нархи 15,9 минг евродан бошланади, Хитойда эса 9,4 доллардан 12 минг долларгача. Subaru ва Mitsubishi автомобиллари нархи Хитой бозорида 25 минг доллардан, Европада эса 30 минг евродан бошланади.
Leapmotor компанияси 2015 йилда ташкил этилган бўлиб, 2018 йилдан автомобил ишлаб чиқаришни бошлаган.
2023 йилда Stellantis концерни компаниянинг 20 фоиз акциясини сотиб олган.
