«Тан олиш керакки, оиладан узоқлашиб қолгандик. Эрта билан чиқиб кетиб, кечқурун қайтиб келиб. Кўпчилик фарзандлари, аёли нима иш қилаётганидан бехабар. Аллоҳнинг синови туфайли биз бугун жамландик. Аслида мўмин-мусулмон, бир оила раҳбарининг вазифаси оила даврасида ўтириш», деди Тошкент шаҳрининг бош имом хатиби.
Нуриддин Ҳолиқназаров карантинда уйда ўтирган оталарга эътибор қаратиш керак бўлган жиҳатни айтди.
«Биринчи навбатда, ўзлигимизни ўргатайлик. Вирус бўлганидан кейин қўлни ювишни ўргатяпмиз. Ўн тўрт асрдан бери бу борку? Беш маҳал қўлни ювиш динимизда борку?
Таҳоратда пайғамбаримиз амал қилган бармоқлар орасида таҳлил қилиш суннати бор. Қўли билан бармоқларининг орасига сув киргизиш. Ҳозир мутахассислар айни пайғамбаримиз суннатларини ўргатишяпти», дейди Нуриддин Холиқназаров.
