Азиз абитуриентлар ва ота-оналар!
Бирданига иккинчи курсга қабул қилиниш мумкинми? Сиз бунга МУМКИН ЭМАС деб жавоб берасиз.
Тошкент шаҳридаги Турин политехника университети эса бу МУМКИН дейди.
Энди сизда УЧ ЙИЛ ичида олий маълумотли бўлиш имконияти мавжуд.
Турин университети Ўзбекистонда Европа андозаларига мос техник таълим олишни истовчилар учун шундай имконият бераётган ягона университетдир.
Таълим жараёни Италиянинг Турин политехника университети томонидан қабул қилинган таълим дастурларига, олий таълимнинг халқаро сифатига мос келувчи талабларига, Ўзбекистон Республикасининг давлат таълим стандартларига мувофиқ олиб борилади. Университет ўз олдига қўйган асосий вазифалардан бири – ишлаб чиқариш ва хўжалик объектларини лойиҳалаш ҳамда қуришга ихтисослашган ташкилот ва корхоналар учун юқори малакали мутахассисларни тайёрлаб беришдир. Университет талабалари ҳамда профессор- ўқитувчилари бир неча йиллардан бери халқаро ташкилотларнинг турли дастурларида фаол иштирок этиб, ҳар йили Италия, Германия, Япония ва Жанубий Корея каби давлатларга алмашинув дастури орқали бориб ўз малакаларини ошириб қайтмокдалар. Бундан ташқари, талабалар Европанинг дунёга танилган йирик корxона ва ташкилотларида амалиёт ўтамоқдалар.
Абитуриентларни қабул қилиш ва университет битирувчиларни аттестациядан ўтказиш жараёни Италиянинг Турин Политехника университети томонидан белгиланган тартибда, Ўзбекистон Республикаси олий ва ўрта таълим вазирлиги билан келишилган ҳолда амалга оширилади.
Шошилинг! Дунё бўйлаб 120 дан ортиқ давлатлар тан олган дипломга эга булинг! Битирувчиларга Италиянинг Турин политехника университети дипломи берилади ва ушбу ҳужжат Ўзбекистон Республикаси ҳудудида белгиланган қонунчилик нормаларига мос келадиган олий таълим ҳақидаги ҳужжат сифатида тан олинади.
Кириш имтиҳонларида юқори балл олган абитуриентлар ўрнатилган имтиёз асосида иккинчи курсдан қабул қилиниш имкониятига эга бўладилар. Бунинг учун абитуриент етарли тил кўникмаларига эга бўлиши талаб этилади. Абитуриент бу имкониятни рад этиши ва таълимни биринчи курсдан давом эттириши мумкин.
2019/2020 ўқув йилида Тошкент шаҳридаги Турин политехника университети бакалавриат босқичининг ҳар бир йўналиши учун белгиланган қабул квотаси қуйидагича тақсимланади:
Бундан ташқари, жорий йилдан бошлаб Турин политехника университетининг барча йўналишларида аралаш турдаги масофавий (масофавий+сиртқи) таълим (Blended learning) дастури йўлга қўйилмоқда.
Иш фаолиятингиздан ажралмаган ҳолда юқори сифатли европача таълим олиш имкониятингизни қўлдан чиқарманг!
Регистрация жарёни!
Онлайн анкета тўлдириш: www.polito.uz
Номзодлар 1-регистрациянинг босқичдан ўтишлари шарт бўлиб, ушбу регистрация босқични амалга оширмай 2-регистрация босқичига ўта олмайдилар!
2-регистрация босқич –кириш имтиҳонлари жараёнининг шаффофлигини таъминлаш учун, карантин пайтида, 1-регистрация босқични тугатгандан сўнг, ариза берувчи (абитуриент) паспортининг электрон нусхасини қуйидаги манзилга юбориши лозим: admission@polito.uz.
Барча фанлар бўйича тестлар инглиз тилида ўтказилади!
2019/2020 ўкув йили кириш имтиҳонларидан ўтган абитуриентлар учун ажойиб имконият!
COVID-19 пандемияси сабаб, бу йилги қабул жараёни ўз вақтида бошланмади ва одатий ўрнатилган тартибда бўлиб ўтмаяпти.
Ушбу вазиятни ҳисобга олган ҳолда, ўтган 2019/2020 ўқув йили кириш имтиҳонида, абитуриент томонидан тўпланган балл бу йил учун ҳам ҳақиқий деб ҳисобланади ва ушбу абитуриентлар Тошкент шаҳридаги Турин Политехника Университетига 2020/2021 ўқув йилида кириш имтиҳонларисиз қабул қилинади!
Бир академик йил Тошкентдаги Турин политехника университетида таълим олиш учун тўлов миқдори 28 500 000 (йигирма саккиз миллион беш юз минг) сўмни ташкил этади.
Университетга қабул қилинган абитуриентлар шартнома тузгандан сўнг, ўқув контракт суммасидан 25% дан 100% гача университет ва унинг шерикларидан ГРАНТ олиш имкониятига эга бўладилар. Грант танлови барча абитуриентлар учун суҳбат орқали амалга оширилади. Талаба грантлари ҳар йили талабаларнинг ўқиш ва иш қобилиятига қараб кўриб чиқилади.
Зарур ҳужжатлар, имтиҳонлар тартиби ва бошқа маълумотлар ҳақида батафсил: www.polito.uz сайтида.
Телефон рақамлари: 71 246-63-48, 71 246-80-52
Реклама ҳуқуқи асосида
