Чехия президенти шифохонадан чиқарилди

Жорий ҳафта бошида қўлини синдириб олган Чехия президенти Милош Земан Прагадаги марказий ҳарбий госпиталдан чиқарилди. Унинг синган қўлида жарроҳлик операцияси ўтказилган.

Фото: EPA

Земаннинг матбуот котиби Иржи Овчачекнинг таъкидлашича, Чехия президенти операциядан кейин уйида 1,5-2 ой тикланиш жараёнидан ўтади. Шу сабабли унинг келаси ҳафтага белгиланган ишчи дастури бекор қилинади.

Земан 25 август оқшомида телевизорда янгиликларни кўриб, ўрнидан турганда қоқилиб кетиб, ўнг қўлини синдириб олган.

Земан 2013 йилдан бери Чехия президенти лавозимини эгаллаб келади. У 2018 йилда ушбу лавозимга қайта сайланган эди.