«Дунё» ахборот агентлигининг дипломатик ваколатхона маълумотига таяниб хабар беришича, Б.В. дастлаб ишлаш мақсадида Болгарияга борган. Бироқ иш ҳақи тўланиши билан боғлиқ муаммолар сабаб Чехияга ўтган.
У ерда зарур ҳужжатларни расмийлаштира олмагани учун доимий иш топиш имконига эга бўлмаган. Натижада даромад манбаисиз қолиб, жиддий молиявий қийинчиликларга дуч келган.
Шундан сўнг фуқаро Ўзбекистонга қайтишда амалий ёрдам сўраб, элчихонанинг консуллик бўлимига мурожаат қилган.
Дипломатик ваколатхона кўрган чоралар натижасида у «Прага — Боку — Тошкент» йўналиши орқали ватанга қайтиб келган.
