Минтақада автомобиль бозорида энг юқори пасайиш кузатилган мамлакатлар Испания (-40,6 фоиз), Италия (-38,9 фоиз), Франция (-32 фоиз) ва Германия (-28,8 фоиз) бўлди.
Европа Иттифоқида январь-август ойларида автомобиллар савдоси ўтган йилнинг шу даврига нисбатан 32 фоизга камайди.
Европа автомобиль ишлаб чиқарувчилар ассоциацияси (ACEA) маълумотларига кўра, ЕИ мамлакатларида рўйхатга олинган янги автомобиллар сони 6 млн 123 минг 852 донани ташкил этган. Ўтган йилнинг шу даврида бу кўрсаткич 9 млн 2 минг 172 донага тенг бўлган.
Минтақада автомобиль бозорида энг юқори пасайиш кузатилган мамлакатлар Испания (-40,6 фоиз), Италия (-38,9 фоиз), Франция (-32 фоиз) ва Германия (-28,8 фоиз) бўлди.
ЕИга аъзо 27 мамлакатдан еттитаси, жумладан Франция ва Испания июлда машиналарни рўйхатга олиш ўсганини маълум қилганди. Бундан ташқари, Буюк Британия, Исландия ва Норвегияда савдо тикланиши аломатлари кўзга ташланганди.
Бироқ августда автомобиль бозоридаги вазият яна ёмонлашди ва ЕИнинг барча мамлакатларида (Кипрдан ташқари) сотув ҳажми тушиб кетди.
Жорий йилнинг ўтган саккиз ойида сотув ҳажми сезиларли пасайган компаниялар Япониянинг Mazda (-45,7 фоиз) ва Honda (-39,9 фоиз) ҳамда Британиянинг Jaguar Land Rover (-40 фоиз) компаниялари бўлди.
