Сенат Марказий сайлов комиссиясининг янги аъзоларини тасдиқлади

Олий Мажлис Сенатининг ўн иккинчи ялпи мажлисида Ўзбекистон Республикаси Марказий сайлов комиссиясининг таркибига ўзгартишлар киритиш тўғрисидаги масала кўриб чиқилди.

• Сенат аъзолари Қарши муҳандислик-иқтисодиёт институти ректори Орифжон Шодиевич Бозоров;
• «Навоийазот» акциядорлик жамияти ижтимоий ва маиший масалалар бўйича бўлим бошлиғи Шуҳрат Низомович Жўраев;
• Ўзбекистон соғлиқни сақлаш ходимлари касаба уюшмаси Республика Кенгашининг Сурхондарё вилояти бўйича масъул ташкилотчиси Муяссар Жумаевна Қодирова;
• Ўзбекистон Республикаси адлия вазирининг ўринбосари Баҳром Тўлқинович Кўчқоров;
• Ўзбекистон Республикаси Олий Мажлиси Сенати Раисининг ўринбосари Зайниддин Маҳаматович Низомхўжаев;
• Жиззах политехника институти ректори Алишер Қодирқулович Усмонқулов;
• «Ўзэлектроаппарат» АЖ бошқаруви раиси маслаҳатчиси Александр Қосимович Фармонов;
• Хоразм вилояти касаба уюшмалари ташкилотлари бирлашмаси кенгаши раиси Эргаш Омонбаевич Юсуповни Ўзбекистон Республикаси Марказий сайлов комиссиясининг аъзолари этиб сайлаш тўғрисида қарор қабул қилди.

Шунингдек, ушбу қарор билан Ўзбекистон Республикаси Марказий сайлов комиссиясининг аъзолари М.Э. Абдусаломов, О.Бобожонов, М.А.Жўраева, Ж.Х.Норов, Э.Ражабов, Ж.Содиков ва Э.Хўжақуловнинг ваколатлари тугатилди. 

ОАВ маълумотига кўра, эндиликда Марказий сайлов комиссиясига Зайниддин Низомхўжаев раис бўлади, Баҳром Қўчқоров унга ўринбосарлик қилади.

3 феврал куни Қонунчилик палатаси МСКнинг 8 нафар янги аъзолари номзодини кўриб чиққани ва маъқуллагани ҳақида хабар берилганди.

Бугун Сенат ялпи мажлиси давомида Марказий сайлов комиссиясининг собиқ раиси Мирзо-Улуғбек Абдусаломов Конституциявий суд судьяси этиб сайланди.