Renault бир йилда қарийб 10 млрд доллар зарар кўрди

Молиявий натижалар эълон қилиниши билан Renault акциялари нархи 8,5 фоизга арзонлади.

Фото: Finans.az

2020 йил натижаларига кўра Renault компаниясининг соф зарари 8,046 млрд еврога (9,7 млрд доллар) тенг бўлди. Бу ҳақда компания матбуот хизмати маълум қилди.

Бунга асосан Япониянинг Nissan (Renault ва Mitsubishi Motors билан бирга альянс таркибига киради) компанияси кўрсаткичлари сабаб бўлди – жами зарарнинг 5 млрд еврога яқини унга тегишли, деб ёзади Bloomberg.

Молиявий натижалар эълон қилиниши билан Renault акциялари нархи 8,5 фоизга арзонлади. Refinitiv таҳлилчилари компания 2020 йилда 7,4 млрд евро зарар кўришини тахмин қилганди, дея қайд этади Reuters.

Компания 2020 йилнинг иккинчи ярмида «операцион рентабеллик сезиларли даражада яхшиланган»лигини билдирган. Маълум қилинишича, ўтган йилнинг охирги олти ойида соф зарар 660 млн еврони ташкил қилган.