Москва суди Twitter’ни бир кун ичида уч марта жаримага тортди
Жарималарнинг умумий миқдори 8,9 млн рублни ташкил этади.
Москванинг Таганский суди Twitter’ни ноқонуний ахборотни тизимли равишда ўчирмасдан келгани учун бир кун ичида уч марта жаримага тортди. Бу ҳақда Москва судлари Telegram-канали хабар берди.
Жарималарнинг умумий миқдори 8,9 млн рублни ташкил этади.
Twitter қонунга зид ахборотни ўчирмагани учун айбдор деб топилиб, 2,4 млн рубл жарима тўлашга ҳукм қилинди. Сал аввалроқ Twitter худди ўша айблов билан 3,2 млн ва 3,3 млн рубл жаримага тортилганди.
Қайд этилишича, компанияга жарималарни тўлаш учун 60 кун муҳлат берилади.
10 март куни Роскомнадзор Россияда Twitter ишлаш тезлигини пасайтирганди. Регуляторнинг таъкидлашича, ижтимоий тармоқ модераторлари тақиқланган контентни тўлиқ ўчирмаяпти.
Кейинроқ Роскомнадзор талаблари тўлиқ бажарилмаган тақдирда Россия ҳудудида 16 апрелдан Twitter блокланишини эълон қилди.
Мавзуга оид
21:00 / 07.10.2024
Рамзон Қодиров миграция сиёсатида «ўрта аср ёндашувларидан» воз кечишга чақирди
20:07 / 07.10.2024
Россияда саккиз нафар генерал лавозимдан олинди — ОАВ
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024