Сўнгги икки хафта давомида Жиззах вилоятида 12 та умумтаълим мактабининг 30 нафар ўқувчи ва ўқитувчиларида коронавирус аниқланган. Бу ҳақда вилоят халқ таълими бошқармаси бошлиғининг ўринбосари Жасур Бегмуродов томонидан маълум қилинди.
Жиззах вилояти ҳудудида жами 550 та умумтаълим мактаблари фаолият юритиб келмоқда. 2021 йил 16 апрелда Зомин туманидаги 50-сонли умумтаълим мактабида илк маротаба ўқувчи ва ўқитувчилар орасида коронавирус инфекциясини юқтириб олиш ҳолати аниқланди. Давлат санитария ва эпидемиологик назорат маркази хулосасига кўра, мактаб тўлиқ 14 кунлик карантинга олинган ва онлайн таълимга жалб қилинган.
Сўнгги икки ҳафтада Ғаллаорол туманида 4 та, Зомин туманида 1 та, Шароф Рашидов туманида 2 та, Фориш туманида 1 та, Пахтакор туманида 1 та ва Жиззах шаҳрида 3 та, жами 12 та умумтаълим мактабларида 30 нафар ўқувчи ва ўқитувчилар орасида коронавирус инфекциясини юқтириб олиш ҳолати аниқланган.
