Минглаб афғонлар АҚШ томонидан эвакуация қилиниш учун Кобулга кела олмаяпти
АҚШ Афғонистондан эвакуация қилишга рози бўлган минглаб афғонлар “Толибон” ҳаракати ҳужумлари сабабли Кобулга кела олмаяпти. Америкаликлар бу ердан уларни олиб кетиши керак.
NBC телеканали маълумотларига кўра, жорий ҳафтада АҚШ ҳукумати Афғонистондаги миссия давомида америкалик ҳарбийларга кўмак кўрсатган юзлаб афғонларга электрон почта орқали мактуб йўллаган. Уларга АҚШга ёки учинчи давлатларга эвакуация қилиниш учун тайёр туриш кераклиги ва бунинг учун Кобулга мустақил равишда келишлари айтилган. Бироқ афғонларга Кобулга етиб олишда толиблар томонидан қўлга олиниш ёки ўлдирилиш хавфи таҳдид солмоқда.
Телеканалнинг маълум қилишича, афғонлардан баъзилари Кобулга йўллар толиблар томонидан назорат қилинаётгани сабабли пойтахтга етиб бора олмаётганларини маълум қилишган. Шунингдек, ўнлаб афғонлар Кобулга етиб олиш учун пуллари йўқлиги сабабли АҚШдаги хайрия ташкилотларига молиявий ёрдам сўраб мурожаат қилишган.
Америкалик амалдорлардан бирининг таъкидлашича, АҚШ Афғонистонда деярли қўшинларсиз қолган ва эвакуация қилиниши керак бўлган афғонларнинг Кобулга етказилишини таъминлай олмайди.
Ғарб ОАВнинг маълум қилишича, америкалик ҳарбийларга кўмак кўрсатган 18 мингга яқин афғон ва улар оилаларининг 53 мингга яқин аъзоси АҚШга иммиграция визаларини олишга умид қилмоқда. Бироқ бу анча узоқ жараён бўлгани сабабли ҳозирча уларни АҚШнинг учинчи давлатлардаги базаларига эвакуация қилишга қарор қилинган.
Мавзуга оид
00:38
АҚШ Махфий хизмати «жиддий камчиликларга» эга — мустақил комиссия хулосаси
14:48 / 17.10.2024
Болаликда видеоўйин ўйнаганлар улғайганда кўпроқ даромад топади - тадқиқот
15:43 / 16.10.2024
АҚШ Исроилга ёрдамни қисқартириш билан таҳдид қилди
08:40 / 16.10.2024