Ғалаба ва мағлубиятлар. Токио Олимпиадасининг энг ёдда қоларли суратлари
|01:35 / 10.08.202128 41410 мин
8 август куни Токиода Олимпия ўйинлари якунланди. Коронавирус пандемияси туфайли спортчилар ва мухлислар Олимпиадани бир йил кутишди, лекин Токио-2020да (расмий номи) томошабинлар ва Токио аҳолиси кўплаб чекловларга кўнишига тўғри келди. Бу Олимпиада арафасида ташкилий қўмитанинг тўрт вакили ўз интервьюларида эҳтиётсизлик қилиши четлатилиши билан боғлиқ можаролар бўлиб ўтди. Аммо ўйинлар вақтида барибир энг асосийси спорт бўлиб қолди: ғалабалар ва мағлубиятлар, тўсиқларни енгиб ўтиш, атлетларнинг ақл бовар қилмас ютуқлари ҳамда жамоавий руҳ.
Қуйида Токио Олимпиадасининг энг ёрқин суратлари жамланди.
Clive Mason / Getty Images
Британиялик яхтачилар Саския Тиди ва Шарлотт Добсон 49er FX классидаги пойгаларда қатнашишмоқда. Мусобақа Фудзияма тоғи фонида бўлиб ўтди. Бразилиялик Мартин Граэл ва Кахена Кунце Олимпия чемпионлари бўлишди.
Alex Brandon / AP / Scanpix / LETA
24 ёшли Виталина Бацарашкина Токиода икки олтин ва кумуш олди. Япониядан қайтган спортчини Омскда рус халқ қўшиғи — «Ведьмак» қўшиғи билан кутиб олишди.
Antonin Thuiller / AFP / Scanpix / LETA
Спорт гимнастикасида АҚШ етакчиси, тўрт карра Олимпия чемпиони бўлган Симона Байлс илк муваффақиятсиз иштирокидан кейин жамоавий кўпкураш бўйича финал вақтида чиқиш қилишдан бош тортди. У буни руҳий ҳолати ёмонлиги билан изоҳлади. Спортчи шахсий кўпкурашда, брусда машқ қилиш ва таяниб сакраш машқларида ҳам чиқиш қилишни истамади. Аммо барибир ходада қилинадиган машқлар бўйича мусобақада қайтди. Зал Байлснинг қайтишини тик турган ҳолда олқишлади. Спортчи бронза медал олди.
Kevin C. Cox / Getty Images
Болгариялик Антоанета Костадинова 10 метр масофада пневмотик тўппончадан ўқ отишда иккинчи ўринни эгаллади. У финал сессияси арафасида россиялик Виталина Бацарашкинадан олдинда бўлган бўлса-да, якунда унга ютқазди. Бацарашкина россиялик спортчиларнинг Токиодаги илк олтин медалига эга чиқди.
Мавзуга оид
Thibault Camus / AP / Scanpix / LETA
Нидерландиялик Матье Ван дер Пул маунтинбайкдаги фаворитлардан бири эди. Аммо у Олимпиадада муваффақиятсизликка учради ва совриндорлар қаторидан жой ололмади. Спортнинг бу турида британиялик Томас Пидкок чемпион бўлди.
Dylan Martinez / Reuters / Scanpix / LETA
Россиялик гимнастикачилар 1996 йилдан буён илк марта жамоавий кўпкурашда олимпия олтинини қўлга киритишди. Суратда Артур Далалоян, Давид Белявский, Никита Нагорний ва Денис Аблязин ғалабани нишонлашмоқда. Аблязин Токиода таяниб сакрашда кумуш медал олди, Нагорний эса икки бронзага эга чиқди — шахсий кўпкураш ва тўсиндаги машқларда.
Patrick Smith / Getty Images
Саблистлар Арон Силадьи (Венгрия) ва Луиджи Самеле (Италия) жамоавий баҳслар яримфиналида. Силадьи ва Самеле шахсий биринчилик бўйича финалда ҳам тўқнаш келишган, венгриялик спортчи уч карра олимпия чемпионига айланган. Жамоавий баҳсларда эса Жанубий Корея вакиллари ғолиб чиқишди, итальянлар кумуш билан кифояланди, венгрларга — бронза.
Olivier Morin / AFP / Scanpix / LETA
Токио Олимпиадасида илк бор сёрфинг бўйича ҳам медаллар шодаси ўйналди. Суратда бразилиялик Габриэль Медина учинчи ўрин учун баҳс вақтида. Медина бронзани австралиялик Оуэн Райтга бой берди. Сёрфинг бўйича илк олимпия чемпиони бразилиялик бошқа бир спортчи Итало Феррейра бўлди.
Япониялик Ҳисаёси Ҳарасава ва чехиялик Лукаш Крпалек дзюдо бўйича +100 кг вазн тоифасидаги яримфинал баҳсида. Крпалек финалга чиқиб, грузиялик Гурам Тушишвилини ҳам мағлуб этган ҳолда олимпия чемпионига айланди. Бронза россиялик Тамерлан Башаевга насиб этди.
Фото Getty Images
Бокс бўйича -91 кг вазн тоифаси вакиллари Мурод Алиев (Франция) ва Фрэйзер Кларк (Буюк Британия) ўртасида ўтказилган чоракфиналда рефери франциялик боксчи бош билан зарбалар бериб рақибни жароҳатлади деб топиб, уни огоҳлантирди, боксчи бундан норозилигини номақбул ҳаракатлари билан ифодалади, якунда у дисквалификация қилинди. Алиев эса норозилигини ифодалаш учун яримсоатдан кўпроқ вақт давомида рингда ўтирди.
Ryan Pierse / Getty Images
100 метр масофага югуриш — Олимпиададаги энг томошабоп йўналишлардан биридир. Рио 2016 ва афсонавий Усэйн Болтни эслаш кифоя. Токиода эса эркаклар ўртасида 100 метр масофага югуриш ҳақиқий шоуга айланди. Италиялик Марсель Жейкобс Олимпия чемпиони бўлди. Жейкобс қарийб 20 йил ичида ушбу масофада олтин олган илк Европа вакили бўлди (тарихда эса биринчи италиялик).
Joe Giddens / PA Images / Scanpix / LETA
Британиялик Том Дейли Токиода 10 метр баландликдан сувга синхрон сакраш бўйича олтин медал олди. Шунингдек, трибунада ўтирган ҳолда ўз ити учун жемпер тўқиши билан ёдда қолди.
Dylan Martinez / Reuters / Scanpix / LETA
Баландликка сакраш мусобақасида кумуш медал берилмади, лекин икки спортчи олимпия чемпионлари деб тан олинди. Қатарлик Мутаз Баршим ва италиялик Жанмарко Тамбери бир хилдаги уринишлардан фойдаланган ҳолда 2,37 метрлик кўрсаткични қайд этишди. Бронза медали беларус Максим Недосековга берилди, у ҳам 2,37 метрлик нуқтадан ўтганди, аммо у кўпроқ уринишдан фойдаланди.
Hannah Mckay / Reuters / Scanpix / LETA
400 метр масофага тўсиқлар оша югуриш бўйича мусобақа яримфинали ёмғир остида кечди. Финалда об-ҳаво бироз яхшиланди. Америкалик Сидни Маклафлин жаҳон рекордини (51,46 сония) ўрнатган ҳолда олимпия чемпиони бўлди.
Фото: Ўзбекистон Миллий олимпия қўмитаси
Рио Олимпиадаси чемпиони Шаҳобиддин Зоиров (-52 кг) филиппинлик Карло Паламга қарши жангни якунлай олмади. Иккинчи раундда боксчиларнинг бошлари тўқнашиб, унинг қоши ёрилгач, рефери жангни тўхтатди, ҳакамлар баҳснинг шу вақтгача йиғилган очколар бўйича ғалабани филиппинлик спортчига беришди.
Joe Giddens / EPA / Scanpix / LETA
Австралиялик сузувчи Эмма Маккеон Олимпиада рекордини ўрнатди. У Токиода тўрт олтин ва уч бронза медал қўлга киритди.
Matthias Hangst / Getty Images
Америкалик Тара Дэвис узунликка сакраш бўйича баҳсларда чемпионликка асосий даъвогарлардан эди. Дэвис финалга чиқди, аммо медалсиз қолди. Олимпия чемпионлиги германиялик Малайка Михамбога насиб этди.
Фото Reuters
Кубалик Михаин Лопес Нуньес 39 ёшга тўлишига икки ҳафта қолганида тўртинчи марта олимпиада ўйинлари чемпионлигини қўлга киритди. Юнон-рум кураши афсонаси 130 кг вазн тоифасида грузиялик рақибини мағлуб этди ва 4 карра олимпиада чемпиони деган номни қўлга киритди. Бунгача у Пекин, Лондон ва Рио олимпиадаларида ҳам олтин медални ўзиники қилганди.
Ryan Pierse / Getty Images
АҚШ вакили Рейчел Маккой баландликка сакраш бўйича саралаш босқичида. Бу йўналишда олтин медални россиялик Мария Ласицкене ўзиники қилди.
Фото: Patrick Smith/Getty Images
Япония вакили Фуна Накаяма скейтбординг бўйича баҳслар вақтида. У бронза медал билан кифояланди, олтин япониялик бошқа бир спортчи Момидзи Нисияга тегди.
David J. Phillip / AP / Scanpix / LETA
Ямайкалик Хансл Парчмент 110 метр масофага тўсиқлар оша югуриш бўйича финалда ғолиб бўлди. Бу йўналиш фаворитларидан бири, жаҳон чемпиони (2015) ва икки карра Европа чемпиони (2012, 2014 йиллар) россиялик Сергей Шубенков соғлигидаги муаммо туфайли чиқиш қила олмади.
Christian Bruna / EPA / Scanpix / LETA
Гандбол бўйича Россия аёллар жамоаси финалда Францияга 25:30 ҳисобида ютқазиб, кумуш медал билан кифояланди. Дарвозабон Анна Седойкина (чапда) бу ўйин унга жуда қийин кечганини тан олди: «Албатта, кумушдан хафа бўлмаслик керак, ҳар қандай медаль қадрли. Бугун кучимиз етмади. Норвегларга қарши ўйинда кўп куч сарфлаганимиз барибир билинди. Бугун жуда оғир ўйин бўлди».
Название
Нидерландиялик атлет Сифан Ҳасан 1500 метрга югуриш бўйича саралаш босқичида рақибларидан бирининг оёғига чалиниб, йиқилиб тушди. Аммо у ўзини йўқотмади ва дарҳол ўрнидан туриб, югуришда давом этди. Якунда маррага биринчи бўлиб етиб борди. Сифан Токио олимпиадасида 1500 метрга югуришда бронза, 5 минг ва 10 минг метр масофага югуриш баҳсларида олтин медалларга сазовор бўлди.
Карате бўйича финал баҳсида эронлик Сажад Ганжазода саудия арабистонилик Тариқ Ҳамедининг зарбасидан кейин ҳушини йўқотди. Бу вақтгача Саудия вакили яққол устунлик қилаётган ва унинг ғалабасига шубҳа қолмаганди. Аммо ҳакамлар у рақибнинг бўйин қисмига тақиқланган зарба берган деб топишди ва уни четлатишди, натижада эронлик спортчи беҳуш ҳолатида олимпия чемпионига айланди.
Бокснинг супероғир вазн тоифасида Баҳодир Жалолов барча жангларини ўзига хос тарзда бошлади. У Олимпиаданинг сўнгги кунида ўтказилган финалда америкалик Ричард Торресни мағлуб этиб, олтин медални қўлга киритди.
