Фото: "Ипак Йўли" банки
Банк “Ипак Йўли” бу йил жаҳон иқтисодиётидаги жаҳоннинг тизимли муҳим банкларидан бири бўлган “Deutsche Bank AG” (Германия) банкининг “Sustainable Client Excellence Award 2021” (Барқарор ривожланаётган мижознинг юксак натижалари учун) мукофотига сазовор бўлди.
Банк “Ипак Йўли” Deutsche Bank AG орқали амалга оширилган операциялар сони ва сифати, тўловлар бўйича қилинган сўровларни тезкор ҳамда атрофлича жавоб берилиши бўйича энг яхши кўрсаткичларга эришгани учун ушбу мукофот билан тақдирланди. Шунингдек, мукофотни тайинлашда Deutsche Bank AG ўз бизнесининг энг муҳим стратегик таркибий қисмларидан бири – ESG стандартларига мувофиқлик талабларидан келиб чиққан ҳолда қарор қилди.
ESG (Экологик, ижтимоий ва корпоратив бошқарув) стандартлари – компания фаолияти стандартлари тўплами бўлиб, улар компаниянинг кундалик фаолиятида барқарор ривожланаётганлигини қуйидаги мезонлар асосида аниқлаб беради:
- Экологик мезонлар – компаниянинг табиатни асраш йўлида қандай ҳаракат қилаётганини аниқлайди;
- Ижтимоий мезонлар – ходимлар, ҳамкорлар, мижозлар ва жамият билан муносабатларни қандай бошқарилаётганини ўрганади;
- Корпоратив бошқарув мезонлари – компания бошқаруви, менежерларнинг меҳнатига ҳақ тўлаш, аудит, ички назорат ва акциядорларнинг ҳуқуқларига тааллуқлидир.
Ушбу мукофот билан тақдирлаш билан бир қаторда, Deutsche Bank AG алоҳида ташаккурнома йўллади ва “Ипак Йўли” банки билан фаолиятнинг барча соҳаларида эътиборга молик ҳамда профессионал ҳамкорлик учун миннатдорчилик билдирди.
Барқарор ривожланиш учун мукофотни олиш “Ипак Йўли” банкига ўзини ESG стандартларига содиқ компания сифатида эътироф қилишга ҳақли эканлигини, ҳамда долзарб умумжаҳон кун тартибига ҳамнафас ривожланаётган банк фаолиятининг инновационлигини яна бир бор тасдиқлайди.
Батафсил маълумот: ipakyulibank.uz/news/2021-12-23
Реклама ҳуқуқи асосида
