Ҳудудлар бўйича 1 квадрат километр ер майдонига қанча аҳоли тўғри келиши айтилди

Қўмита маълумотларига кўра, 2022 йилнинг 1 январь ҳолатига Ўзбекистонда 1 квадрат километр ер майдонига ўртача 78,6 нафар доимий аҳоли сони тўғри келади.

Қайд этилишича, бу ўтган йилнинг мос даврига нисбатан солиштирилганда 1,6 кишига ортган (2021 йилда 1 квадрат километрга 77 киши).

Ҳудудлар бўйича 1 квадрат километр ер майдонига тўғри келадиган ўртача аҳоли сони қуйидагича:

• Қорақалпоғистон Р. – 11,7 киши;  
• Андижон вилояти – 756,6 киши; 
• Бухоро вилояти – 49,1 киши; 
• Жиззах вилояти – 68,1 киши;  
• Қашқадарё вилояти – 119,3 киши;
• Навоий вилояти – 9,3 киши; 
• Наманган вилояти – 394 киши;  
• Самарқанд вилояти – 240,4 киши;  
• Сурхондарё вилояти – 136,5 киши; 
• Сирдарё вилояти – 205,3 киши;
• Тошкент вилояти – 192,9 киши; 
• Фарғона вилояти – 576,4 киши;  
• Хоразм вилояти – 318 киши; 
• Тошкент шаҳри – 8 035,1 киши.

Аввалроқ, Ўзбекистон аҳоли сони бўйича дунёда 43-ўринда қайд этилгани хабар берилганди.

Ўзбекистонда 2022 йил 1 январь ҳолатига доимий аҳоли сони 35,2 млн кишини ташкил этиб, ўтган йилга нисбатан 712,4 минг кишига ёки 2,1 фоизга кўпайди.

БМТнинг Аҳолишунослик жамғармаси маълумотларига кўра, 2021 йил 1 январь ҳолатига ер юзидаги жами аҳоли сони 7,8 млрд кишини ташкил этган. Ўзбекистон аҳоли сони бўйича мамлакатлар ўртасида 43-ўринда қайд этилди.