Ўтган йиллардагидек, «UzBuild» яна бир бор профессионалларга кенг экспозиция ва қурилиш материаллари ва технологиялари ассортиментини тақдим этади ҳамда мазмунли музокаралар ва ҳамкорликни йўлга қўйиш учун энг яхши бизнес платформага айланади.
Бугунги кунга қадар 19 мамлакатдан 180дан ортиқ компания ва брендлар ўз иштирокларини тасдиқладилар: Австрия, Беларусь Республикаси, Буюк Британия, Германия, Ҳиндистон, Эрон, Испания, Италия, Қозоғистон, Хитой, Корея Республикаси, Нидерландлар, Россия, АҚШ, Туркия, Ўзбекистон, Украина, Финландия ва Франция.
Кўргазмага қулай ва хавфсиз ташриф буюриш учун онлайн рўйхатдан ўтинг: http://bit.ly/UB_Kun
Бугунги кунга қадар онлайн тарзда 3000га яқин соҳа мутахассислари рўйхатга олинди.
«UzBuild» кўргазмасининг халқаро мақоми 146 та хорижий компаниянинг иштироки билан тасдиқланган, бу рақам экспонентлар умумий сонининг 82 фоизини ташкил этади.
Биринчи бешлик (топ 5) хорижий давлатлар қаторига Туркия (70 та компания), Россия (28 та компания), Германия (19 та компания), Италия (8 та компания) ва Ҳиндистон (6 та компания) кирди.
Турк миллий экспозицияси кўргазма иштирокчилари – қурилиш ускуналари, техникаси, қурилиш ва пардозлаш материаллари ишлаб чиқарувчилари сони бўйича шартсиз етакчилик қилмоқда.
Германия миллий стенди ҳам қурилиш техникаси соҳасидаги янгиликлар ва ишланмалар, яъни пайвандлаш ускуналари, бетон блоклар ишлаб чиқариш линиялари, йўл белгиларини белгилаш техникаси ва бошқаларни тақдим этади.
Россия Федерацияси Москва, Омск, Уляновск ва Тюмен вилоятлари, шунингдек, йирик экспортчи компаниялар жамоавий стендлари таркибида техника, асбоблар ва интерьер ечимларининг кенг ассортиментини тақдим этади.
