Ўзбекистон Мусулмонлари идорасининг маълум қилишича, 9 май – Хотира ва қадрлаш кунида Ангрен шаҳрида янги масжидга илк ғишт қўйиш маросими бўлиб ўтган. Тадбирда Тошкент вилояти бош имом-хатиби Жасурбек домла Аюпов, Ангрен шаҳар ҳокими вазифасини бажарувчи Нуриддин Абдураҳимов, шунингдек, сектор раҳбарлари ва кенг жамоатчилик вакиллари қатнашган.
Айни вақтда «Имом Муҳаммад» деб ном қўйилган масжиднинг ҳужжатлари давлат рўйхатидан ўтказилмоқда. Катта йўл бўйида жойлашган масканда йўловчилар ва сайёҳлар учун шарт-шароитлар яратилиб, аёллар таҳоратхонаси ва намозхонаси ҳам қурилиши режалаштирилган.
