Бозорларда айрим озиқ-овқат маҳсулотларининг нархи ошди

Нукус шаҳридаги деҳқон бозорида 45 000 сўмдан мол гўшти сотилмоқда.

Фото: Давлат статистика қўмитаси

Ўзбекистон деҳқон бозорларида алоҳида турдаги озиқ-овқат маҳсулотларининг минимал-максимал нархлари эълон қилинди.

Давлат статистика қўмитаси ҳудудлардаги марказий деҳқон бозорларида кузатув ўтказган.

2022 йил 14 июл ҳолатига кўра, озиқ-овқат маҳсулотлари нархи қуйидагича:

суякли мол гўшти (1 кг) ➖ 45 000 – 77 000 сўм;
қўй гўшти (1 кг) ➖ 55 000 – 89 000 сўм;
картошка (1 кг) ➖ 2000 – 7000 сўм;
пиёз (1 кг) ➖ 3000 – 7500 сўм;
сабзи (1 кг) ➖ 1300 – 6000 сўм;
тухум (10 дона) ➖ 7000 – 15 000 сўм;
гуруч (1 кг) ➖ 5000 – 22 000 сўм;
ўсимлик ёғи (1 л) ➖ 15 500 – 30 000 сўм;
шакар (1 кг) ➖ 11 000 – 18 000 сўм.

Бунда деҳқон бозорлари ҳудудидаги озиқ-овқат маҳсулотлари нархлари ҳисобга олинган. Супермаркет, минимаркет, дўконлардаги нархлар инобатга олинмаган.