Грант! PDP University талабалари учун 11 компаниядан 3,3 млрд сўмлик таълим гранти ажратилди

Ажратилган грантнинг умумий қиймати 3,3 млрд сўм бўлиб, университетнинг биринчи ўқув йили учун 50% дан 100% гача тўлов шартнома суммасини қоплаб беради. Грантга қуйидаги талабларга мос келувчи барча абитуриентлар ариза топширишлари мумкин:

• Мактаб ёки лицей (коллеж)ни битирган бўлиши;
• Математика имтиҳонидан 50 баллдан юқори тўплаган бўлиши;
• Эҳтиёжманд оила вакили бўлиши.

Шу билан бирга, абитуриентлардан IT соҳасини ўрганишга бўлган улкан қизиқиш ва иштиёқ талаб қилинади. Имтиҳондан муваффақиятли ўтган талабгорларга оиласининг молиявий аҳволидан келиб чиққан ҳолда грант ажратилади.

Ушбу грант ажратилишида ўз ҳиссасини қўшган компаниялардан бири Ekom.UZ бренди остида фаолият юритувчи “ALEXOR-LINE” компанияси бўлиб, Ўзбекистон бозорида IT ва коммутация ускуналарининг энг йирик расмий дистрибьютори ва етказиб берувчиси ҳисобланади.

“MEGA MOTORS” компанияси 2019 йилда ташкил этилган. Ушбу компания Ўзбекистондаги электромобиллар дилери бўлиб, юқори сифатли электромобиллар ва уларнинг қўшимча эҳтиёт қисмларини сотиш билан шуғулланади.

“SIFCO INTERNATIONAL” компаниялар гуруҳи 1993 йилда ташкил этилган бўлиб, Хитой, Европа ва МДҲ давлатларидан турли товарларни етказиб берувчи ва сотувчилардан бири ҳисобланади. Компания 29 йилдан ортиқ вақт мобайнида Ўзбекистон бозорида ҳар қандай турдаги товарларни декларациялаш, божхона ва оддий омборда сақлаш ва бошқа турдаги хизматларни тақдим этиб келади. 

“MEGAVAN” 15 йил давомида Ўзбекистон бозорида турли лойиҳаларни ўз вақтида етказиб бериш, шунингдек, маҳсулотларининг рақобатбардош нархлари билан ўз ўрнини топган компаниялардан биридир.

“BALLOON BY MEGAVAN” юк машиналари, автобуслар ва махсус жиҳозлар учун дисклар ва шиналарни улгуржи сотиш ва хизмат кўрсатиш билан шуғулланиб келаётган илғор компаниялардан бири ҳисобланади.

“DECLAS” компанияси импорт ва экспорт қилинадиган товарларнинг божхона расмийлаштируви ва божхона сақлаш хизматларини кўрсатади.

“MERVAN DEVELOPMENT” компанияси бозорнинг барча сегментларида комфорт синфидаги, бизнес ва премиум тоифадаги лойиҳалар, шунингдек, тижорат кўчмас мулкини бошқаришда ягона MERVAN брендида фаолият юритиб, бутун девелопмент циклини амалга оширмоқда.

“KEDA SUREMAKER” ўзаро манфаатли ҳамкорлик концепцияси ва юқори сифатли хизмати туфайли ҳозирда бутун дунё бўйлаб 800 дан ортиқ мижозларга эга шуъба компанияси ҳисобланади.

“UNION Paper and Board” компанияси босма қоғоз етказиб бериш ва қоғоз маҳсулотлари ишлаб чиқаришни амалга ошираётган компаниялардан бири ҳисобланади.

“QURILISH TREST” корхонаси 2020 йилда ташкил топган. Бу корхона қурилиш соҳасининг барча йўналишлари бўйича кўп йиллик иш тажрибасига эга бўлган ўз ишининг етук мутахассислари томонидан ташкил этилган. Ҳозирги кунда корхонада 80 га яқин ишчи иш билан таъминланган.

“ALFARUQ”  жамоатчилик негизлари асосига қурилган илм-у маърифат ҳамда ижтимоий соҳада ижтимоий ёрдам кўрсатиш мақсадида ташкил этилган жамоатчилик ҳаракатидир.

Биз ёшларни ривожлантириш, уларни қўллаб-қувватлаш ва ўз ҳаёт йўлларини топишига ёрдам берадиган ҳар бир компания ва ташкилот фаолиятини қадрлаймиз.

Шу каби компания, ташкилот ва ҳомийлар сафида Сизнинг ҳам бўлишингиз, ёшларимизнинг ёрқин келажаги учун улкан пойдевор бўлади.

PDP University республикамизнинг барча иқтидорли ёшларини қамраб олиш ва уларга қулайлик яратиш мақсадида вилоят марказларида ҳам кириш имтиҳонларини ташкил этади. Ҳужжатларни қабул қилиш жараёнлари 20 августгача, кириш имтиҳонлари эса 23-28 август кунлари бўлиб ўтади. 

Мурожаат учун:

Телеграм: @PDPSupportBot

Телефон: +99878-777-47-47

Сайт: university.pdp.uz

Грантга ариза топшириш учун:

university.pdp.uz/admissions