Қўшимча функционаллар
-
Тунги кўриниш
АҚШ Minuteman III қитъалараро ракетасини синовдан ўтказди
Таъкидланишича, синовдан мақсад АҚШ «ядровий кучлари шайлигини» ва «миллий ядровий тийиб туришнинг самарадорлигини» намойиш этишдир.
Фото: Reuters
Калифорниядаги Ванденберг ҳарбий-ҳаво базасида қуролланмаган Minuteman III қитъалараро баллистик ракетаси парвози амалга оширилди, деб хабар берди АҚШ ҳарбий-ҳаво кучлари глобал зарба бериш қўмондонлиги.
Хабарда айтилишича, бундан мақсад АҚШ «ядровий кучлари шайлигини» ва «миллий ядровий тийиб туришнинг самарадорлигини» намойиш этишдир.
«Мазкур синов дунёда рўй бераётган ҳозирги воқеалар натижаси эмас», — дейилади хабарда.
Ракетанинг бош блоки 4,2 минг милга яқин (6,7 минг км) масофани босиб ўтиб, Тинч океанидаги Маршалл оролларининг Кважалейн атоллигача етиб борган.
Синов август бошларида ўтказилиши лозим эди. Бироқ АҚШ Тайван сабабли Хитой билан муносабатларда юзага келган кескинликни кучайтирмаслик учун ракета парвозини кечиктирганди, деб ёзади The Wall Street Journal.
Мавзуга оид
22:03 / 12.11.2024
АҚШ ҳукумати НУЖ бўйича баъзи маълумотларни ошкор қилиши мумкин
16:55 / 12.11.2024
Трамп миллионлаб мигрантларни депортация қилишни режалаштирмоқда — ОАВ
09:15 / 12.11.2024
АҚШ Сурияда эронпараст гуруҳлар объектларига зарба берди
16:42 / 11.11.2024