Намангандаги газ заправкада Labo ёниб кетди

Ижтимоий тармоқларда «Гўзалдаги газ заправкада машина ёниб кетибди» сарлавҳаси остида хабар тарқалганди. Наманган вилояти фавқулодда вазиятлар бошқармаси ҳолат юзасидан расмий муносабат билдирди.

Маълум бўлишича, 10 сентябр куни соат 17:22 да Наманган шаҳри Янги Наманган тумани «Мингчинор» маҳалла фуқаролар йиғини Косонсой кўчасида жойлашган АГТКШ ҳудудида давлат рақами 50 M 382 UA бўлган Labo Damas автомобилида ёнғин содир бўлган.

Ёнғин Наманган шаҳри ФВБ 3-ёнғин қутқарув қисми ёнғин қутқарувчилари томонидан бартараф этилди.

Ҳозирда содир бўлган ёнғин юзасидан терговга қадар суриштирув ишлари олиб борилмоқда.