Бир неча кун олдин Чемпионлар лигасидаги кескин ўтган ўйин «Манчестер Сити»ни катта куч сарфлашга мажбур қилганди, аммо жамоа футболчилари бўшашишмади ва ғалабали юришни давом эттирди. Фодендан товон билан пас, Де Брейнедан кросс ва Грилиш 1-дақиқадаёқ ҳисобни очди.
Кейин эса Ҳоланд навбатдаги голини урди — бу унинг чемпионатдаги 10-голи бўлди. Бу сафар норвегиялик ҳужумчи жарима майдонидан ташқарида туриб тўпни дарвоза бурчагига йўллади ва яна бир кўрсаткич билан тарихга кирди. Бу сафар АПЛда илк мавсумида дастлабки тўртта сафар ўйинида гол урган футболчи сифатида. Бундан ташқари, у «Зальцбург»дан кетганидан буён ўтказилган 99 расмий ўйинда урган голлари сонини 100 тага етказиб қўйди.
Шундан кейин «шаҳарликлар» ўйин темпини пасайтиришди. Аниқроғи бу 33-дақиқада Коллинз майдон марказида бутсасининг остки қисми билан Грилишга ташланган ва «Вулверҳэмптон»ни камчилик бўлиб қолдирганидан кейин рўй берди. Ва фақат 70-дақиқа арафасида, ўйинда 70 йил мамлакатни бошқарган қиролича Елизавета II ҳурматига тўхталиш бўлишидан олдин Фоден ҳисобни йирик кўринишга келтирди - унга АПЛда 150-бор самарали кўрсаткич қайд этган Де Брюйне (58 гол ва 92 пас) узатма берди. Белгиялик футболчи голли узатмалар сони бўйича Стивен Жеррарднинг натижасини такрорлади.
Лондонда куннинг охирги ўйини голларга бой бўлди, «Тоттенҳэм» аввалига Санчеснинг тушунарсиз ҳаракати туфайли тезкор гол ўтказиб юборди. Ллорис Тилеманснинг пеналтисини қайтарганди, аммо у зарба берилиши арафасида дарвоза чизиғидан олдинга чиқиб кетганди, бельгиялик футболчи эса иккинчи уринишда адашмади. Фақат «Лестер» футболчилари хурсандчилик қилишга улгурмасидан «шпорлар» бурчак зарбасидан кейин ҳисобни тенглаштиришди, Кейн Кулушевскининг узатмасини голга айлантирди.
«Тоттенҳэм»нинг стандарт вазиятлари — ҳар қандай рақиб учун даҳшатга айланмоқда. «Тулкилар»нинг ҳам бу борада омади келмади, Дайер навбатдаги бурчак тўпидан кейин боши билан дарвозани ишғол қилди, унинг яна бир голи инобатга олинмади, кейинроқ Санчеснинг кучли зарбасини Уорд тўсин остидан тепага чиқариб юборди. Буларнинг бари меҳмонлар таслим бўлмаслигига имкон берди ва бўлим охирларида Мэддисон қанотдан узатилган тўпни тўхтатмай дарвозага аниқ йўллади. Аммо барчаси ўйиннинг боришига мос равишда якунланди — «Лестер» қаторасига олти ўйинда мағлубиятга учради, лондонликлар эса турнир жадвалида «Ман Сити» билан тенглашиб олди.
«Шпорлар» муваффақиятини Бентанкур таъминлади. Уругвайлик футболчи рақибдан тўпни олиб қўйиб, аввалига жарима майдони ташқарисидан кучли ва аниқ зарба йўллаб, жамоани ҳисобда олдинга олиб чиқди, кейин ташаббус меҳмонларга ўтгандек кўринган вазиятда яна бир бор тўпни рақибдан олиб қўйиб, захирадан ўйинга қўшилган Сон Хин Миннинг биринчи голини ташкиллаштирди. Ўйиннинг сўнгги ярим соатида туширилган кореялик форвард узоқдан дарвозанинг юқори чап бурчагини аниқ нишонга олиб, турнинг энг чиройли голларидан бири муаллифига айланди. Сўнгги икки мавсумда 40 та гол урган футболчи жорий мавсумда голлар ҳисобини очди ва елкасидаги оғир юкдан халос бўлди.
Чиройлиликда биринчи голидан қолишмайдиган иккинчи голи урилди, кейин учинчиси. Ҳакам учинчи голдан кейин Соннинг олдида туриб ўйиндан ташқари ҳолат эҳтимолини VAR орқали текширди ва майдон марказини кўрсатди. Бу ҳужумчининг АПЛдаги учинчи ҳет-триги (бундай кўрсаткич бўйича у Криштиану Роналдуга етиб олди) ва энди Конте бу юлдузли футболчисини захира ўриндиғида қолдириши қийин бўлади.
«Бавария»дан учралган мағлубиятдан кейин (бу «Барселона» учун мавсумдаги биринчиси бўлганди), кўк-анорранглилар ла лиганинг сўнгги ўринда турган жамоасини қабул қилди, қолаверса ўйиннинг 14-дақиқасидан бошлаб бир киши кўп бўлиб ўйнади. «Эльче»ни сардор Верду қийин аҳволда қолдирди, у бирга-бир вазиятга чиқиб бораётган Левандовскини газонга қулатгач, майдондан четлатилди. Полшалик мерган эса барибир ўйинда муваффақиятга эришди - бўлим давомидаги ҳужумлардан бирида Бальденинг идеал узатмасини бўш қолган дарвозага жойлаб қўйди.
Асосий таркиб учун Жорди Альба билан рақобат қилаётган 18 ёшли чап қанот ҳимоячиси бўлим охирида Депай учун ҳам бир гол ташкиллаштириб берди. Адолат учун айтиш керакки, нидерландиялик футболчи ҳам шедевр ижро намойиш этди: у тўпни ўзига бўйсундиришда финт ишлатиб, ҳимоячининг ортига ўтди ва тўпни кучли зарба билан дарвоза тўрига михлади. Бўлим охирида Педрининг голи офсайд туфайли бекор қилиниши амалда ҳеч нарсани ўзгартирмади, масала якунда таблода қандай ҳисобдаги ғалаба ёниб туришида қолганди.
Рақамлар «Эльче» учун у қадар даҳшатли тус олмади. Левандовски иккинчи бўлим бошида дублни расмийлаштириб, кўк-анорранглилар сафидаги голлари сонини ўнтага етказиб қўйди. Ла лигада «Бавария» йўқ, «Барса»нинг йирик ҳисобли ғалабалар серияси беш ўйинга етди. Ҳозирда «Райо Вальекано» биринчи турда каталонлар билан голсиз дуранг қайд этганига ишониш қийин.
Германия: Дортмунд фойдасига дерби ва Ройснинг жароҳати
Сўнгги вақтларда «Бавария» ўйинида Октоберфест байрамлари арафасида мураккабликлар юзага келмоқда. Аввалги олти турдан тўрт бор ютқазган «Аугсбург» ва бу мавсумда дуранглар вирусига чалинган (сўнгги уч ўйинда «Боруссия», «Унион» ва «Штутгарт» билан дуранг натижалар қайд этилди) «Бавария» ўйинида ҳар қандай ҳодисани кутиш мумкин эди. Мезбонлар биринчи бўлимдаёқ иккита голли вазиятга эга бўлишди, меҳмонлар сафида эса Мане ва Сане қулай вазиятларни йўққа чиқарди.
Иккинчи бўлимда эса «Бавария» оддий вазиятда гол ўтказиб юборди. Майдон маркази яқинида стандарт вазият ижро этилиши, Яго жарима майдони ҳудудига тўпни ташлаб бериши, у ерда эса ҳеч қандай қаршиликка учрамаган Бериша вазиятдан фойдаланиши. Ўйин охирида чемпионларни Нойер қутқариши мумкин эди, у бурчак зарбаси ижро этилганида рақиб жарима майдонига етиб бориб, боши билан зарба берди, аммо мезбонлар дарвозабони Гикевич қаҳрамонлик кўрсатиб, амплуадошининг зарбасини қайтарди.
Guardiola se planteó la posibilidad de poner a Manuel Neuer como volante central en un partido. Hoy el arquero se probó de delantero en el cierre vs. Augsburgo.pic.twitter.com/S2Yc09BC9N
Мавсумни уч йирик ғалаба билан бошлаган (тўплар нисбати 15:1) Юлиан Нагельсманн жамоаси уч дурангдан иборат серия қайд этди, энди эса мағлубиятга ҳам учради. Чемпионлар лигасида эса ишлар яхши кетмоқда, «Бавария» «Интер» ва «Барселона»ни мағлуб этган. Якшанба куни «Фрайбург» ва «Унион» ўртасида турнир жадвалидаги пешқадамлик учун жанг бўлади.
«Аугсбург» Германия чемпионати учун рекорд бўлган серияни тўхтатди - «Бавария» 2020 йил февралидан буён ўтказилган 87 ўйинни голсиз тарк этмаганди. Ўтган сафар мюнхенликларнинг бундай серияси 65 та шундай ўйиндан иборат бўлган ва 2014 йилда ҳам бу серияга «Аугсбург» чек қўйганди.
Узоқ кутилган Рур дербиси кескин кечди, аммо у қадар томошабоп бўлмади. Биринчи бўлимдаги энг хавфли вазият Беллингемнинг бош билан йўллаган зарбаси қайтарилиши бўлди. Бундеслигага қайтган «Шальке»да эса голли вазиятлар бўлмади.
Меҳмонлар ўйиннинг катта қисмида ҳимояланишди, Дортмунднинг ҳужумдаги имкониятлари эса 32-дақиқада Ройс жароҳат олиб, майдонни замбилда тарк этгач пасайди. Аммо барибир қора-сариқлар жамоасида гол урадиган футболчи топилди ва Вольфнинг узатмасидан кейин ўйинга захирадан қўшилган Мукоко ғалаба голини урди. У 17 ёшу 301 кунлигида Рур дербисида гол урган энг ёш футболчига айланди, «Боруссия» эса принципиал рақибига қарши қаторасига тўрт ўйинда ғалабага эришиб, ўтган асрнинг 60-йилларидан буён энг яхши кўрсаткичини қайд этди ва турнир жадвалида вақтинча пешқадамга айланиб олди.
Кун статистикаси
Менҳенгладбаҳнинг «Боруссия» клуби ҳужумчиси Ҳофманн «Лейпциг»га қарши ўйинларда олтинчи бор гол урди. Бундеслигада «ҳўкизлар» жамоасини фақат Левандовски (7 гол) ундан кўпроқ ранжитган.
«Боруссия» ҳимоячиси Ҳуммелс Рур дербиларида 10-бор ғалабага эришди ва айни вақтда дортмундликлар спорт директори бўлиб ишлаётган Михаэл Цоркнинг рекордини такрорлади.
АПЛда «Манчестер Сити» сафар ўйинларида қаторасига 22-ўйинни мағлубиятсиз ўтказди. Бу «шаҳарликлар»нинг ўз тарихидаги энг яхши натижаси ва турнир тарихидаги энг яхши тўртинчи натижа. «МЮ»нинг 2020-21 йиллар мавсумидаги рекордига етти ўйин қолди.
35 ёшу 215 кунлик — «Валенсия» ҳужумчиси Кавани ла лигада XXI асрда дебют қилган энг тажрибали футболчига айланди.
«Манчестер Сити» ҳужумчиси Ҳоланд агар ҳозирги суръатни сақлаб қолса, АПЛнинг жорий мавсуми якунларига кўра 57 гол уриши мумкин.
