Қўшимча функционаллар
-
Тунги кўриниш
Юнусобод туман ҳокимлиги собиқ ходими фирибгарлик билан фуқаронинг 30 минг долларини ўзлаштирди
Жиноят иши доирасида икки киши қўлга олинган, бир кишига қидирув эълон қилинган.
Бош прокуратура фуқаронинг 30 минг доллар маблағи фирибгарлик билан ўзлаштирилган ҳолат ҳақида маълумот берди.
«Юнусобод туман ҳокимлиги уй-жой коммунал хизмат кўрсатиш ва ободонлаштириш масалалари бўйича бўлим собиқ бошлиғи икки нафар жиноий шериги билан бир фуқарога автосалондан янги Malibu русумли автомашинани олиб беришни ваъда қилиб, эвазига 30 минг АҚШ доллари миқдоридаги пулларни қўлга киритишган ва ўзларининг эҳтиёжларига сарфлаб юборишган», дейилади хабарда.
Мазкур ҳолат юзасидан Юнусобод туман прокуратураси томонидан Жиноят кодексининг 168-моддаси 4-қисми «а» банди билан жиноят иши қўзғатилган.
Жиноят иши доирасида 2 нафар шахсга нисбатан «қамоққа олиш» эҳтиёт чораси қўлланган. 1 нафари эса терговдан яширингани сабабли қидирув эълон қилинган.
Тергов ҳаракатлари олиб борилмоқда.
Мавзуга оид
22:25 / 20.10.2024
Фирибгарлар Telegram орқали фотосурат кўринишида вирус юбормоқда
15:12 / 20.10.2024
Ўзини банк ходими деб таништириб, фуқаронинг пулларини ўзлаштирган шахсга жиноят иши қўзғатилди
08:10 / 17.10.2024
ИИББ интернетдаги фирибгарликнинг янги кўринишидан огоҳлантирди
20:45 / 14.10.2024