Унинг таркиби 12 турдаги ўқув қуролларидан иборат.
Фото: Китоб тумани ҳокимлиги
2023/2024 ўқув йилида 1-синфга бориши режалаштирилган 733 мингга яқин бола учун «Президент совғаси»ни ҳудудларга етказиш бошланди.
Унинг таркиби 12 турдаги ўқув қуролларидан иборат: ўқувчи сумкаси, 12 дона дафтар, расм дафтари, акварел бўёқлари, рангли қоғоз, қаламдон, шарикли ручка, рангли қалам, 2 дона оддий қалам, пластилин, елим, 2 дона ўчирғич.
«Президент совғаси» 25 августга қадар Мактаб ва мактабгача таълим вазирлиги электрон базасига киритилган болалар сонига мос равишда умумтаълим мактабларига етказилади.
