Мактабларда янги ўқув йилига мўлжалланган вариатив режалар тасдиқланди

Унга кўра, 18 та йўналишда танлов синфлари ташкил этиш тавсия этилади.

Фото: Kun.uz

Ўзбекистон мактабгача ва мактаб таълими вазири томонидан «Умумий ўрта таълим муассасаларида 2023-2024-ўқув йилига мўлжалланган вариатив ўқув режаларини тасдиқлаш тўғрисида»ги буйруқ имзоланди.

Унга кўра, 18 та йўналишда танлов синфлари ташкил этиш тавсия этилади. Танлов синфи умумий ўрта таълим муассасасида мавжуд 7-11-синфлар ўқувчилари контингенти ҳисобидан ихтиёрий равишда ташкил этилади.

Умумий ўрта таълим муассасаларида бир нечта йўналишда танлов синфи ташкил этилиши мумкин. Бунда, таълим муассасасида 7-11-синфларнинг биридан битта синф мавжуд бўлган тақдирда ҳам танлов синфи ташкил этилади.

Тайёрлаган: Отабек Матназаров

#режа #мактаб