IFC томонидан молиялаштириш тадбиркорлик субъектларига хизмат кўрсатишда кучли иштирок ва катта тажрибага эга бўлган “Ipak Yo'li” банкига кичик ва ўрта бизнесни молиялаштириш имконини беради. Булар Ўзбекистонда иқтисодий ривожланиш ва янги иш ўринлари яратишда муҳим рол ўйнайди. Жамғармалар, шунингдек, аёлларга тегишли кичик ва ўрта бизнес корхоналарга, гендер тенглиги ва аёлларнинг иқтисодий имкониятларини кенгайтиришга қаратилган.
Ипак Йўли банки бошқарув раиси Саидаброр Саидаҳмедов бу ҳамкорликнинг манфаатли бўлишини таъкидлади:“Биз IFC'нинг кичик ва ўрта бизнесни, айниқса аёлларга тегишли корхоналар фаолиятини кенгайтиришда қўллаб-қувватлагани учун ташкилот раҳбариятидан миннатдормиз. Бу ҳамкорлик бизга ушбу тадбиркорлик субъектларини зарур молиявий ресурслар билан таъминлаш ва қўллаб-қувватлаш, уларнинг ривожланиши, иш ўринларини яратиш ва Ўзбекистоннинг ҳар томонлама ривожланишига ҳисса қўшиш имконини беради".
"IFC"нинг “Ipak Yo'li” банки билан ҳамкорлиги унинг Ўзбекистонда барқарор ва инклюзив иқтисодий ўсишга кўмаклашиш анъаналарига тўла мос келади. Кичик ва ўрта бизнес ва аёллар тадбиркорлигини қўллаб-қувватлаш орқали ХМК мамлакатда тадбиркорликни ривожлантириш, самарадорликни ошириш ва қашшоқликни камайтиришни мақсад қилган.
“Кичикроқ корхоналар иқтисодий ўсишнинг двигателидир, лекин жуда кўп, айниқса аёлларга тегишли кичик корхоналар молиялаштиришда қийинчиликларга дуч келмоқда”, - дейди "IFC" нинг Туркия ва Марказий Осиё бўйича директори Виебке Шлоэмер. “Бизнинг “Ipak Yo'li” банкига киритган сармоямиз ана шу бўшлиқни бартараф этишга – инклюзив иқтисодий ўсишни рағбатлантириш ва тадбиркор аёлларнинг имкониятларини кенгайтиришга кўмаклашишга қаратилган”.
Инвестициялар IFC'нинг 2018 йилда бошланган Ipak Yo'li банки билан муносабатларининг мантиқий давоми ҳисобланади. Ўшандан бери IFC банкка тадбиркорлик субъектлари, шу жумладан, бизнес билан шуғулланувчи аёллар, шунингдек, ўрта ва кичик бизнесни қўллаб-қувватлаш учун 25 миллион доллар маблағ ажратди.
Молиялаштириш IFC'нинг 2021 йилда бошланган Fast-Track COVID Facility дастури асосидаги “Пирамидалар базаси” лойиҳаси доирасида амалга оширилмоқда.
Ipak Yo'li банки ҳақида
1990 йилда ташкил этилган “Ipak Yo'li” акциядорлик инновацион тижорат банки Ўзбекистондаги универсал тижорат банк саналади. У Ўзбекистоннинг саккиз вилоятида ташкил этилган 17 та филиал ва 46 та экспресс марказлари орқали кичик бизнес ва хусусий тадбиркорлик субъектларига, шунингдек, чакана савдо билан шуғулланувчи мижозларга кенг кўламли банк хизматларини тақдим этади.
