Санитария-эпидемиологик осойишталик ва жамоат саломатлиги қўмитаси раисига уч нафар ўринбосар тайинланди.
Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раисига ўринбосарлар тайинланди.
Нурмат Отабеков Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси биринчи ўринбосари лавозимига ўтказилди.
У 2020 йилдан бери Санитария-эпидемиологик осойишталик ва жамоат саломатлиги хизмати бошлиғи ўринбосари сифатида ишлаган.
Ботир Қурбонов Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси ўринбосари лавозимида иш бошлади.
У 2020 йилдан Санитария-эпидемиологик осойишталик ва жамоат саломатлиги хизмати бошлиғининг илм-фан ва инновация бўйича ўринбосари ҳисобланади.
Қобил Ҳайитов Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси ўринбосари лавозимига тайинланди.
У Давлат солиқ қўмитаси Молия ва моддий-техника таъминоти бошқармаси Бухгалтерия бўлими давлат солиқ бош инспектори бўлиб ишлаган.