19 ноябр куни “Hyatt Regency Tashkent” меҳмонхонасида узоқ кутилган “NRG Magic” бўлиб ўтди. Компаниянинг 600 дан зиёд мижозлари, дўстлари ва ҳамкорлари азиз меҳмонлар бўлдилар. Улардан кўпчилиги ютуқ ўйналиши қатнашчилари эди: NRGʼдан хонадон ёки офис сотиб олишган бўлиб, кўчмас мулк қийматининг 30 фоизи миқдорида бирламчи бадал киритган эдилар.
“Hyatt Regency Tashkent” меҳмонхонасининг “Ballroom” зали бир оқшом фусункорлик ва яқинлашиб келаётган мўъжиза ҳиссига тўлди. Меҳмонлар бошлари узра бепоён юлдузли осмон ястанди, у чегаралар йўқлиги ва имкониятлар чексизлигини англатарди.
Қутлов сўзи билан NRG, “Nest One” ҳаммуассиси, “Murad Buildings” муассиси Мурод Назаров чиқиш қилди:
- Мен қадрли мижозларимиз учун ташкил этилган ушбу унутилмас “NRG Magic” оқшомининг ҳар бир меҳмонини қутлашдан мамнунман. Кўпчилик учун бу биринчи тадбир ва NRGʼдан биринчи кўчмас мулк сотиб олиниши эмас. Сизлар компаниямиз учун қурилиш бу – нафақат лойиҳаларнинг моддий намоёни, балки харидор билан ҳиссий алоқа яралиши, унинг истакларини англаш, алоҳида эътибор ва ғамхўрлик намоён этиш ҳам эканлигини биласиз. Биз шунчаки бино қурмаймиз – биз яшаш ва ишлаш учун маконлар бунёд этамиз, у ерда ҳаётингизнинг энг муҳим лаҳзалари ўтади: фарзандлар улғаяди, бизнесингиз ривожланади.
Сизларга, NRG сифати ва қулайлик даражасини танлаш орқали бизга кўрсатаётган ишончингиз учун миннатдорлик билдираман. Биз доимо сизнинг ишончли дўстингиз ва ишонса бўладиган ҳамкорингиз бўлиб қоламиз.
Акция ғолибларини табриклаш ва оқшом меҳмонларига хурсандчилик улашиш учун Муниса Ризаева ва Райҳон ўз ижод намуналари билан ташриф буюрдилар. NRG меҳмонларни оқшомнинг илк лаҳзаларидан то охирги дақиқаларигача меҳрибонлик оғушига олди. Болалар билан келганлар учун ташкилотчилар болаларга бағишланган кўнгилочар дастур уюштирдилар.
Яратилган байрамона муҳит NRG мижозларига кундалик ташвишлардан халос бўлиб, гўзал оқшомдан ва қизиқарли инсонлар суҳбатидан завқланиш имконини берди. Бу фусункор оқшом қувонч, табассум ва ёқимли сюрпризларга бой бўлди. Ҳар бир меҳмон ўзини пойтахтдаги турар жой харидоригина эмас, балки компаниянинг яқин дўсти ва ҳамкори ҳам эканлигини ҳис этди.
Меҳмонлар алоҳида ҳаяжон билан ютуқлар ўйналишини кутишарди. Девелопер ютуқлар ўйналишига пухта ўйланган ёндашувни намоён этди. Ҳар бир киши умрида бир марта бўлса ҳам, кераксиз совринни қўлга киритган. Масалан, янги уй олган кишида аллақачон совиткич бор бўлса, яна биттасининг нима кераги бор? Шу сабабли NRG маиший техника эмас, балки унинг учун 3 млн сўмдан 17 млн сўмгача бўлган сертификатларни ўйнади. Ғолиблар барча керакли жиҳозларни Bosch фирма дўконларидан сотиб оладилар.
