Ўзбекистон статистика портали синов режимида ишга туширилди

Ўзбекистон Статистика агентлиги томонидан «Статистика» интеграллашган ахборот тизими яратилди.

Сайтдан скриншот

Статистика агентлиги маълумотига кўра, унинг негизида siat.stat.uz Ўзбекистон статистика портали синов режимида ишга туширилди.

Натижада расмий статистикани эълон қилиш ва уларни фойдаланувчилар томонидан қидириб топиш вақти 5-10 баробарга, алоҳида сўровлар асосидаги интеграция қилиш вақти эса 10 кундан 1 кунгача қисқартирилди.

Портал расмий статистик маълумотларни фойдаланувчиларга қулай кўринишда тақдим этиш мақсадида ҳамда халқаро ташкилотлар томонидан тавсия этилган маълумот ва метамаълумотларни электрон алмашинишнинг SDMX стандарти талабларини тўлиқ инобатга олган ҳолда ишлаб чиқилган.

Шунингдек, порталда 1000 дан ортиқ расмий статистик кўрсаткичлар жойлаштирилди, фойдаланувчиларга қулайлик яратиш мақсадида статистик кўрсаткичларни 5 хил форматда юклаб олиш ҳамда интеграция йўли билан тизимга уланиш йўлга қўйилди.

Тайёрлаган: Отабек Матназаров

#статистика #портал